Caracas, Venezuela. Venezuelako hiriburuko etxe kataluniarreko ‘Dolça Catalunya’ abesbatza errezibitu du bere egoitzan Caracasko Eusko Etxeko ‘Alaiak’ abesbatzak. Elkarretaratzea koru kataluniarrak euskaldunari urrian egindako bisitaren itzulera moduan antolatu zen eta oraingoan talde katalanak bere hizkuntzan kantatutako abesti batek abiarazi zuen ekitaldia. ‘Dolça Catalunya’k katalanez zein gaztelaniaz kantatutako piezek bildutakoen txalo beroak jaso zituzten.
Euskal abesbatzari dagokionez, gaztelaniazko abesti batekin hasi eta euskarazko Mikel Laboaren ‘Txoria txori’ kantarekin bukatu zuen errezitala. Laboaren musika eta Joxean Artzeren hitzak uztartzen dituen azken kanta honi buruzko azalpen eta itzulpena Nekane Barrondok eman zizkion publikoari.
Topaketa azaroaren 10ean egin zen eta amaiera, bi abesbatzak elkarrekin abesten etorri zen, publikoa lagun. ‘Agur’ esan aurretik, Eusko Etxeko batzordeak elkartasun brindisa proposatu eta egin zuen.
Lagun bati bidali
Komentarioa gehitu
