euskalkultura.eus

Venezuelako Valentzia hirian du egoitza Caraboboko Euskal Etxeak eta iragan azaroaren 22an bertara bildu ziren elkarteko bazkideak festa egun atseginaz gozatzeko prest. Ia ehun lagunek parte hartu zuten jaian eta giro ederrean egin zuten topa, elkartearen 39 urteak ospatuz.

Valencia, Venezuela. Caraboboko Euskal Etxeak lagun asko bildu zituen bere 39. urteurreneko festara eta hantxe izan ziren Valencia hiriko euskal familia gehienak. Arrate Coscojuela elkarteko presidenteak EuskalKultura.com-i azaldu dionez, 79 bazkide eta gonbidatu izan ziren bertan.

Ander Unamuno bazkidea aritu zen sukaldari eta sardina eta txerrikumea izan ziren menuaren izarrak. Presidentak hitzaldi labur bat egin zuen, bazkideei ongi etorria emanez eta 39 urte hauetan elkartearen alde lan egin dutenei esker ona agertuz. Euskal Etxeak beste 39 urte --gutxienez--  bete ditzan topa egin zuten denek. Bazkalostean giro oso ona izan zen eta bazkideak kantuan eta dantzan ibili ziren, gogotsu.