Boiseko Basque Museum & Cultural Center-ek museoko dendaren arduradun postua bete nahi du

2010/12/24

Boiseko Euskal Museoaren ikurra

PUBLIZITATEA

Boiseko Euskal Museoak lanpostu eskaintza argitaratu berri du bere webgunean, dendaren arduradun postua betetzeko. Museoa, dendaren kargu egin eta dendarako produktuak erosi eta salduko dituen pertsona baten bila ari da. Ingelesaz gain euskara edo gaztelera jakitea baloratuko da. Asteartetik larunbatera lan egiteko da, 33 orduko lanaldian eta soldata 17.160-20.592 dolarrekoa izango du. Kurrikuluma bidaltzeko epea urtarrilaren 6ean itxiko da.

Boise, AEB. Boiseko Euskal Museo eta Kultur Zentroak bere dendaren arduradun lanposturako deialdia argitaratua du abenduaren 20ean. Postuaren ardurak dendaren kargu egitea, bezeroak artatu eta produktuak saldu, dendaren stocka osatzen duten produktuak erosi, sailkatu eta kudeatzea eta bezeroentzako interesgarriak izan daitezkeen produktu berriak aurkitzea izango dira, besteak beste. Interneteko dendaren webgunea mantendu eta sareko produktuen eskarien kargu ere egin beharko du.

Lanpostua bete nahi duenak bi urteko esperientzia izan beharko du antzeko postu batean eta elebiduna izatea (euskaraz edo gazteleraz) baloratuko du Museoak. Euskal Kultura eta Historia ezagutzea ere baloratuko da. Lanaldia 33 ordukoa izango da, asteartetik larunbata arte. Soldata 17.160-20.592 dolarrekoa. Kurrikulumak bidaltzeko epea urtarrilaren 6ean itxiko da. Kurrikulumaz gain hautagaiek gutxienez bi erreferentzia bidali beharko dituzte. Informazioa e-mailez bidal daiteke mail@basquemuseum.com helbidera edo posta arrunt bidez honako helbidera:

Basque Museum& Cultural Center
Attn: Executive Director
611 Grove Street
Boise, Idaho 83702

-Informazioa osoa, Euskal Museoaren webgunean, hemen.