euskalkultura.eus

euskal diaspora eta kultura

Albisteak rss

Bizkaiko sukaldari talde bat biran Perun, eurena partekatu eta bertako gastronomiaz ikasteko

2010/02/12

Bizkaiko sukaldariak prentsaurrean (argazkia AndinaNorManCórdova)
Bizkaiko sukaldariak prentsaurrean (argazkia AndinaNorManCórdova)

PUBLIZITATEA

"Peruko sukaldaritzak kalitate gorena du bertako produktu itzelak baitauzka eta baita ere euren erroei balioa ematen dieten sukaldariak, tradizioak gordez, nazioarteko maila altuko sukaldaritza teknikekin uztartuz", diote Liman teknika desberdinak ezagutzearren, esperientziak trukatzearren eta gero eta laudatuagoa den gastronomia peruarra ikastearren Limara etorri diren zortzi euskal sukaldariek. Taldea, Bilboko Udalaren babespean etorria, Mariano Gomez --'Slow Food Bilbao Bizkaia'ko presidentea-- buru, honako sukaldariek osatzen dute: Eneko Atxa, Aitor Elizegi, Ricardo Perez, Joxemi Olazabalaga, Guillermo Fernandez, David Garcia, Alvaro Garrido eta Aitor Basabe. Andina, Peruko Berri Agentziak plazaratutako albistea da.

Lima, Peru. Euskal sukaldariak joan den asteartetik dabiltza Perun, merkatuak, jatetxeak eta ekoizpen etxeak bisitatzen eta euretatik harrituta eta estonatuta ateratzen dira Peruk eskaintzen dituen baliabide aberatsez, landare, animalia zein espezieak; horiek konbinatzerakoan zur eta lur uzten duten platerak sortzen dituzte euren zapore eta benekotasunagatik, azpimarratzen du Aitor Elizegik, Peruko Berri Agentziak jaso duenez.

Aitortzen du munduko zenbait herrialde bisitatu ondoren eta duela gutxi, esaterako, Tokyon egon ondoren, berak eta bere lagunek interes berezia zeukatela Peru bisitatzeko --areagotua Madrid Fusion azokan ikusitakoarekin-- zuzenean produktu tipikoak esperimentatu ahal izateko eta bertako sukaldaritza eta zapore eta janari ugariak atxikitzeko.



« aurrekoa
hurrengoa »

Erlazionatutakoak

PUBLIZITATEA

PUBLIZITATEA

PUBLIZITATEA

PUBLIZITATEA

PUBLIZITATEA

Irakurrienak

Azken komentarioak

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia