euskalkultura.eus

Resistencia, Argentina. Chacoko Euskal Etxetik beretik adierazi zaigunez, atsegina izango dute gaur nagusi, bi urtez saioa etenda egon ondoren, berriro ekingo baitzaio gaur Resistencia hiriburuan Chacoko "Euskal Etxearen Ahotsa" irratsaioari. Euskal gaiak oro har tratatuko dituen emankizuna izango da, Chacoko Euskal Etxearen ingurukoetatik abiatuz, Argentina eta Diasporakoekin segituz, eta Euskal Herrikoekin amaitzeko, tartean historia, kultura, ohiturak, gastronomia eta bestelako gaiak jorratuz, azaldu dute Kotoiaren Lurratik.

Hau guztiak posible egin ahal izateko, urtebeteko kontratua sinatu dute azken egunotan Radio FM Sensación irratiko zuzendari den Walter Mespulet-ek eta Fabio Echarri Euskal Etxeko lehendakariak. Grabatu dira baita ere iragartzeko tarte batzuk, Oscar Nelson Bulacio esatari, eta parte hartzaile Fabio Echarri lehendakaria, Susana Ciruelo Etchepare lehendakariordea, eta gazteen batzordeko buru den Mariana Echarri.

Aurrerantzean, irrati hitzordua Resistencian asteazkenero izango da, radio FM Sensación, 97,5 MHZ-en, 8etatik 9etara. Munduko edozein lekutatik ere entzun daiteke, internet medio, honako helbidean: http://www.sensacionfm975.com.ar