euskalkultura.eus

Carmen de Patagones, Argentina. Viedma eta Patagones herrietako Beti Aurrera Aberri Etxeak martxoaren 7an Carmen de Patagones herriko desfilean parte hartu zuen, herri horretan bertan 182 urte lehenago gertatu zen  bataila gogoratuz. 1827 urtean izan zen gertakaria: herri maragatoak Brasilgo inperiori aurre egin zion, brasildarren guda untzi batzuk hondoratuz eta euren bandera bi eskuratuz. Bandera horiek gaur egun herriko elizan daude ikusgai.

Urtero legez Viedma eta Patagoneseko Beti Aurrera Aberri Etxea  elkarteak ere bat egin zuen jaiarekin eta euskaldunen ordezkaritza batek parte hartu egin zuen desfilean, txapel, zapi gorri, gerriko, ikurrina eta guzti. Delia Beatriz Etchegaray bazkideak eraman zuen ikurrina bi laguntzaile txikiekin: Selena eta Valentin.

[Beti Aurrera Aberri Etxea elkarteko ordezkaritza desfilean. Erdian ikurrinarekin Delia Beatriz Etchegaray eta bere laguntzaileak, Selena eta Valentin (argazkia Beti AurreraEE)]