euskalkultura.eus

euskal diaspora eta kultura

Albisteak rss

Bernardo Atxaga "Shadow" Independent Foreign Fiction Prize sariko finalisten artean aukeratu dute

2012/04/19

Bernardo Atxaga idazle asteasuarra
Bernardo Atxaga idazle asteasuarra

PUBLIZITATEA

Bernardo Atxagaren "Zazpi etxe Frantzian" eleberriaren ingeles itzulpena Independent Foreign Fiction Prize sarien "Shadow" sail paraleloko sei finalisten artean aukeratu dute. "Shadow" saria atzerriko fikzioari buruzko zazpi literatur blogetako ordezkariek aukeratzen dute. Atxagarekin batera "itzaleko" finalistak Amos Oz, Sjon, Peter Nadas, Umberto Eco eta Matthias Politycki dira. Bi sailetako irabazleen izena maiatzaren 14ean jakinaraziko da.

Donostia-San Sebastian. Bernardo Atxagaren "Zazpi etxe Frantzian" lana Erresuma Batuko "Shadow" Independent Foreign Fiction Prize sariko sei finalisten artean dago, idazlearen webguneak jakitera eman duenez. Eleberriaren ingeleseko itzulpena, Seven Houses in France, sari honetako "itzaleko" epaimahaiak aukeratu du.

Itzaleko epaimahaia literatur blogetako adituek osatzen dute eta sarien sail ofizialaren atal paraleloa da. Epaimahai ofizialak ere aurkeztu du finalisten zerrenda, baina euskal idazlea ez dago horien artean.

"Itzaleko" finalisten artean Bernardo Atxaga, Amos Oz, Sjon, Peter Nadas, Umberto Eco eta Matthias Politycki idazleak daude. Sail bateko zein besteko irabazleen izenak datorren maiatzaren 15ean iragarriko dituzte. Sari ofizialari buruz informazio gehiago eta finalista ofizialen zerrenda, hemen.

-Bernardo Atxagaren webgunea, hemen



« aurrekoa
hurrengoa »

Erlazionatutakoak

PUBLIZITATEA

PUBLIZITATEA

PUBLIZITATEA

PUBLIZITATEA

PUBLIZITATEA

Irakurrienak

Azken komentarioak

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia