Buenos Aires, Argentina. Bere 124. urteurrena ospatzeko, Nazioarteko Literatur Lehiaketaren V. edizioan parte hartzera gonbidatzen du Buenos Aireseko Iparraldeko Euskal Etxeak, beti ere “kultura sustatzeko eta idazleei aukera emateko asmoarekin”. Idazlanek ‘Euskal jendeaz esan didate…’ ideia hartuko dute abiapuntu. Testuak bidaltzeko epea abuztuaren 31an bukatuko da. Lanek 70 lerro izango dute gehienez eta concursocuentosiparralde@gmail.com helbidera behar dira bidali (Lehiaketaren oinarriak, hemen).
Emaitzak irailaren 14an jakinaraziko dira eta sari-emanaldia irailaren 28an egingo da, Iparraldeko Euskal Etxearen egoitzan, Moreno kaleko 1370. zenbakian, CABAn. Epaimahaikideak literatura eta euskal kulturaren arloko erreferente diren Mikel Ezkerro irakaslea; Rosa Misciagna itzultzailea; eta Carlos Bordagaray ingeniaria izango dira. Lehenengo hiru saridunek domina eta diploma bana jasoko dute; lehenengo hamar aipamenek berriz diplomak.
Lehiaketa Iparraldeko Euskal Etxeko Kultur Azpibatzordeak urtean zehar garatzen dituen ekintzen zerrendako parte da, hitzaldiak eta Ipar Euskal Herriko jai nagusiak ospatzearekin batera.
Lagun bati bidali
Komentarioa gehitu
