euskalkultura.eus

Bartzelonako euskal komunitatearentzat urteko ekitaldirik nagusienetakoa da Euskal Etxeak antolatzen duen EH Sona jaialdia. Aurtengoa urriaren 24tik abenduaren 6a bitartean egingop da betiko kartel indartsu eta erakargarriaz gain, proposamen berriak ere badakartza: batetik, musika autogestio lantegia egingo da, Ainara LeGardon kantariarekin; eta, bestetik, txikiei eskainitako ‘Txo!’ jarduera berezia egingo da.

Bartzelona, Katalunia. "Euskal Herritik kanpo egiten den euskal musika jaialdirik handiena", horrela aurkeztu dute Bartzelonako Euskal Etxeko arduradunek EH Sona 2014! eta kartela ikusita, argi dago, egitarau indartsua dela. Hauetxeak osatzen dute aurtengoa: Sutagar, Eratu, Ainara LeGardon, Lou Topet, Revolutionary Brothers, Kashbad, Bide Ertzean, Eñaut Elorrieta, Zea Mays, Balerdi Balerdi, Mutxikontrapas, Tania de Sousa, Goienetxe Anaiak, Mursego eta Ze Esatek.

Datozen egunetan, kontzertuen datak eta guneak ezagutaraziko ditu Euskal Etxeak, eta jaialdiari buruzko informazio guztia www.ehsona.com gunean izango da eskuragarri.