euskalkultura.eus

Carlos Casares, Argentina. Carlos Casaresko 'Euskalduna' Euskal Etxea 2003ko uztailaren 7an sortu zen Buenos Aires probintzia barnealdeko 20 bat mila biztanleko herri honetan; izan ere hiriburu federaletik 312 kilometro hegoaldera kokatzen den herri honetako euskaldun multzo bat egun horretan bildu eta hautatu baitzuen bere lehenengo Zuzendaritza Batzordea, 50 pertsona bazkide. Egun batzuk geroago, uztailaren 19 eta 20an, egin zuen lehenengo aurkezpen publikoa, probintziako gobernuak urtero antolatzen duen Viva Las Pampas parada, jai eta kabalkadaren baitan, elkarte berriko lehendakaria eta beste zuzendari batzuk ikurriña eta bandera argentinarra eskuetan parte hartu baitzuten kabalda edo desfile horretan.

Urte horretan bertan, abenduan, bere lege-nortasun aitortu zion Buenos Aires Probintziak

Elkarteak bere lehenengo urteurrena ospatu zuenean, 2004ean, 200dik gora lagun bildu zituen, eta urtebetetzea elkarteko abesbatzak kantatutako kantuek edertuta ospatu zuen.

2005eko urte azkenean, Eusko Jaurlaritzak ofizialki onetsi zuen euskal etxe gisa.

Geroztik, aurrera darraite, herrian euskal gizataldearen ordezkari izanik eta halakotzat parte hartzen antolatzen diren hainbat ekitalditan. Zenbait euskal festa tradizional ospatzen dituzte, tartean hasiera-hasieratik lagun izan duten San Fermin. Urteetan zehar hitzaldi-sortak antolatu izan dituzte, pilota partida eta erakustaldiak, erakusketak euskal gaiez, elkarretaratze gastronomikoak, eta abar.

Gaur egun 240 bazkide dituen elkartea da. Euskal Etxeari buruzko elkarrizketa, bertako lehendakari den Ricardo Bassagaisteguy-ri egina joan den larunbatean eman zuen argitara Periódico El Oestek. Irakurri hemen, jatorrizko gaztelaniaz.