euskalkultura.eus

euskal diaspora eta kultura

Albisteak rss

Erroman da berriz Asier Gogortzaren 'Concrete Landscapes' erakusketa, aurrekoan izan zuen arrakasta dela eta

2011/06/30

'Concrete Landscapes' erakusketako argazki bat (argazkia Asier Gogortza)
'Concrete Landscapes' erakusketako argazki bat (argazkia Asier Gogortza)

PUBLIZITATEA

Bigarren aldiz izango da ikusgai Erroman Asier Gogortza argazkilari beratarraren 'Concrete Landscapes' erakusketa, iazko apirilean izan zuen harrera ona dela medio. Associazione Culturale Euskara eta UPTER Unibertsitateko Dipartimento di Lingua e Cultura Basca sailak aurkeztuta, Forte Prenestino kulturgunean izango da ikusgai bihartik iganderaino. Erakusketa honetako argazkietan Gogortzak aspaldi ahazturiko bunker militarrak erabiltzen ditu 'pin hole' kamera gisa, eta barruko paretetan islatzen den paisaiaren irudia erakusten du.

Erroma, Italia.  Erromatarrek Asier Gogortza argazkilari beratarren 'Concrete Landscapes' erakusketa ikusteko aukera berri bat izango dute bihartik hasita datozen hiru egunetan, Occhirossi - Festival di fotografia indipendente argazki jaialdiaren barruan. Associazione Culturale Euskara eta UPTER Unibertsitateko Dipartimento di Lingua e Cultura Basca saila izan dira erakusketa Erromara ekarri dutenak, aurreko apirilean izan zuen arrakastak animatuta.

Gogortza bera Erroman izan zen orduan, eta Pin Hole Day 2011 jaialdiaren barruan erakusketa aurkezteaz gain 'pin hole' argazkilaritza tailer bat eman zuen. Ekimenak harrena bikaina izan zuen eta orain berriz ere izango dira argazkiak ikusgai Forte Prenestino zentro sozialean, bihar hasi eta igandea bitartean. 

'Pin hole', edo kamera estenopeikoa, argazkilaritzaren hastapenetan erabili zen lehen tekniketako bat da. Ia mediorik gabe argazki eta negatibo oso definituak egiteko aukera ematen du, eta hori dela eta zenbait artistek gaur egun teknika hau erabiltzen jarraitzen dute. Horretarako zulo txikia duen kamera ilun bat eta pelikula bat baino ez da behar ('pin hole' orratz begia da ingelesez). Gogortzak bunkerren paretak erabiltzen ditu kamera bezala eta bunkerreko lehio txikiak 'pin hole' lana egiten du, kanpoko paisaia porlanean islatuz.

 



« aurrekoa
hurrengoa »

Erlazionatutakoak

PUBLIZITATEA

PUBLIZITATEA

PUBLIZITATEA

PUBLIZITATEA

PUBLIZITATEA

Irakurrienak

Azken komentarioak

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia