euskalkultura.eus

euskal diaspora eta kultura

Albisteak rss

Arrakastaz egin dira Asuncionen bertako Euskal Etxeak antolatutako euskal janari stand-a eta hitzaldia

2010/10/15

Pintxoak eta euskal anoak eskaini zituen euskal stand-aren ikuspegia (argazkia EE)
Pintxoak eta euskal anoak eskaini zituen euskal stand-aren ikuspegia (argazkia EE)

PUBLIZITATEA

Paraguaiko hiriburuko 'Jasone' Euskal Etxeak arrakastaz eutsi zion joan den igande-astelehenean aste honetan Hispanitatearen Festa zela-eta Asuncionen antolatu zen programari, hala nola parte hartuz igandean Casa España delakoan eratutako stand gastronomikoen ekimenean zein astelehenean Euskal Etxeko lehendakari ohi Pedro Jose Gamarra Doldan-ek eman zuen hitzaldian, azken honetan 'Valle Inclan eta Blasco Ibañezek Paraguaira egin bisitaren Mendeurrenean' gaitzat harturik.

Asuncion, Paraguai. Euskal janari tradizionala eta pintxoak zerbitzatzen zituen stand-a Amalia Crovato sukaldariaren lanari esker gauzatu ahal izan zen hein handi batean, berarekin izan zituela bateko eta besteko laguntzaile Galo Egüez Euskal Etxeko lehendakaria, Arturo Sasiain Zuzendaritza Batzordeko kidea eta Asunciongo Euskal Etxeko idazkari den Dayan Madruga.

Standaren jende aurreko lana Plaza Katolikotik Casa España delakora igandean egin zen lasterketaren ondotik hasi zen, eguerdia baino ordubete lehenago gutxi gora behera. Lasterketa amaituta, Euskal Etxearen standa beste zenbait jatorritako janari standekin batera aritu zen janaria zerbitzatzen, Jasone-tik adierazi dutenez.

Jasone Euskal Etxearen gastronomia stand-aç

[Asunciongo Jasone Euskal Etxeko lehendakari Galo Egüez gastronomia stand-ean (argazkia AsuncionEE)]

Asunciongo Jasone Euskal Etxeak oharra plazaratu du eskerrak emanez igandean standera hurbildu zitzaizkion bazkide eta lagunei, eta baita ere astelehenean etxeko lehendakari ohi eta buruzagi duen Pedro Jose Gamarra Doldanek emandako hitzaldira bertaratu zirenei ere.

Pedro Gamarraren hitzaldia 2010

[Pedro Gamarraren hitzaldira bildu ziren entzuleak (argazkia AsuncionEE)]



« aurrekoa
hurrengoa »

Erlazionatutakoak

PUBLIZITATEA

PUBLIZITATEA

PUBLIZITATEA

PUBLIZITATEA

PUBLIZITATEA

Irakurrienak

Azken komentarioak

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia