euskalkultura.com

euskal diaspora eta kultura

Albisteak rss

Arrakastaz egin da Tres Lomasen UVVko jardunaldi bat, herrian euskal etxea bat sortzeko ideia eta guzti

2010/10/06

Tres Lomasko jardunaldietan parte hartutako batzuk, tartean Espada alkatea bera eta Trenque Lauquen eta Pehuajotik heldutakoetako batzuk (argazkia Miriam Oyarzabal)
Tres Lomasko jardunaldietan parte hartutako batzuk, tartean Espada alkatea bera eta Trenque Lauquen eta Pehuajotik heldutakoetako batzuk (argazkia Miriam Oyarzabal)
Arrakastaz egin da amaitu berria den irail honetan, Argentinako 'Universidad Vasca de Verano'k (UVV, Udako Euskal Unibertsitatea) Buenos Aires eta Llavallol-eko Euskal Echea eskolen egoitzetatik kanpo egin duen lehenengo jardunaldia. Tres Lomas herrian izan da, bertako Udalaren sosteguaz ,eta herriko euskaltzale eta oro har kulturazaleez gain inguruko Trenque Lauquengo 'Euskal Sustraiak' eta Pehuajo-ko 'Etxe Alai' euskal etxeetako kideak ere baitaratu ditu. Arrakastak bultzaturik, bildutakoen artean Tres Lomasen euskal etxe bat abiarazteko ideia sortu zen, herriko alkate Mario Luis Espadak ostengua adierazi ziolarik.

PUBLIZITATEA

Tres Lomas, Argentina. Gaztea da Argentinan bertako Udako Euskal Unibertsitatea (UVV, Universidad Vasca de Verano) delakoa eta orain artean bi edizio besterik ez ditu eginak, iazko eta aurtengo otsailean, hemengo uda eta opor garaiarekin bat. Tres Lomasen egiterakoan, ekimena Buenos Aires ingurutik eta uda sasoitik ere atera da, eta aukera eman zaie parte hartzeko, hain zuzen, sasoia eta distantzia dela-eta parte hartzerik izan ez duen jende multzo bati. Honela, irailaren 17 eta 18an egin berri diren saioek hamarnaka euskaltzale eta oro har kulturazale batzuk bildu ditu, antolatzaileak pozik emaitzekin.

Hitzorduak Tres Lomas bertako baina baita ere inguruko Trenque Lauquen eta Pehuajó herrietako euskal etxeetako kideak erakarri ditu, irakasleen zerrenda euskal gizatalde barnean ezagutuak diren zenbait izenen garantia zuela, euren artean baitzeuden Jorge Beramendi, Pedro Beramendi, Enrique Aramburu, Carlos Irisarri eta Jorge Otaño, esaterako, euskal gaiak aztertu eta hitzaldiak ematen eta liburuak idazten aritutako profesional euskal argentinarrak.

Euskal etxe berri bat Tres Lomasen?

Ekimena gauzatzean garrantzi handia izan du Tres Lomasko intendente edo alkate den Mario Luis Espadak. Bildutakoen artean herrian euskal etxe bat sortzeko ideia ere sortu denean, hasieratik jo du begi onez, bere sostengua eta bultzada adieraziz honelako asmo bat abian jartzeko ahaleginetan has daitezkeen herritarrei.



« aurrekoa
hurrengoa »

© 2014 BasqueHeritage S.L.

Portuetxe 51, 201. bulegoa
20018 Donostia / San Sebastian
Tel: (+34) 943 504477 / (+34) 943 316170

jaurlaritza gipuzkoa bizkaia