euskalkultura.eus

Iruñea, Nafarroa. Gaur eguerdian bukatu da Nafarroako Nazioarteko Ikastaroaren edizio berri bat, Nafarroako Jauregian egin den ekitaldiarekin. Bertan izan dira Miguel Sanz, Nafarroako lehendakaria, ikastaroan parte hartu duten Argentina eta Txileko nafar etxeetako 41 gazteak, Nafarroako Gobernuaren bozeramailea, Alberto Catalán, eta Iruñeko alkate Yolanda Barcina, besteak beste.

Diasporako nafarren aldetik gazteekin batera bertan izan dira Txileko Nafar Etxeako lehendakari ohia, Agustín Otondo Dufurrena, eta Buenos Aireseko Nafar Etxeko lehendakari ohi Cándido Elizalde. Ekitaldian gainera gazteek euren etxeetako lehendakarien mezuak irakurri dituzte, horien artean, Txileko Nafar Etxeko Francisco Otondoren mezua, Buenos Aireseko Crisanto Ayanzena, Rosarioko Fernando Latasarena, Mar del Platako Oscar Esparzarena, Bolivarreko Miguel Ángel Lasarena eta Mendozako Esteban Nietorena.

Nafarroa esaldi batean

Ekitaldian 'Nafarroa esaldi batean' lehiaketako sariak ere banatu dituzte. Lehiaketa honetan ikastaroan parte hartu duten gazteei esperientziak sortu dizkien sentimenduak esaldi bakarrean azaltzeko eskatu diete antolatzaileek. Irabazlea Mar del Platako María del Pilar Sarasa izan da, “Reino de Navarra: Tierra sin fronteras… para el asombro” esaldiarekin; bigarrena Buenos Aireseko Joaquín Ayanz, “Navarra, un hogar lejos de tu casa” esaldiarekin eta hirugarren Bolivarreko Valeria Alejandro Lozano, “Navarra, sentimientos encontrados”-ekin.