euskalkultura.eus

euskal diaspora eta kultura

Albisteak rss

Abendua bizi-bizi joan da Londresen: Olentzero & Mari Domingi, Mikel Urdangarinen kontzertua... (bideoak)

2011/12/27

Mari Domingi eta Olentzero, London Basque Society elkartearen bazkarira heldu berriak (argazkia LondresEE)
Mari Domingi eta Olentzero, London Basque Society elkartearen bazkarira heldu berriak (argazkia LondresEE)

PUBLIZITATEA

London Basque Society Euskal Elkartea sasoi ederrarekin ari da urtea bukatzen eta ekitaldi ugari antolatu ditu azken asteotan. Azkena abenduaren 17an izan da, elkartearen Eguberri Jaiarekin. Londongo euskaldunak bazkaltzeko bildu ziren eta bertara agertu zen Olentzero bera ere, Mari Domingi emaztea lagun zuela, elkarteko txikien artean opariak banatzeko prest. Horrez gain Algortatik etorritako trikilari taldeak giro ederra jarri zuen hiriburuko kaleetan. Hileko beste ekimen batzuk Mikel Urdangarin kantariak eman zuen kontzertua eta abenduaren 3an ospatu zen Euskararen Nazioarteko Eguneko mintzapraktika eta jaia izan ziren. Elkarteak bideoak jarri ditu sarean.

Londres, Ingalaterra. Londresko Euskal Elkartea, London Basque Society, oso bizi ari da aspaldion eta abenduan zehar ekitaldi ugari egin ditu urtea ixteko sasoin honetan. Horietako bat abenduaren 17an Haggerston Community Centre delakoan egindako Olentzeroren Bazkaria izan da. Elkarteko kide eta lagun asko bildu ziren jaira eta, London Basque Society-k gonbidatuta, Algortako trikitilari talde bat aritu zen giroa alaitzen, hala bazkarian nola bazkaldu aurreko poteoan. Eguneko izarrak Olentzero eta bere emazte Mari Domingi izan ziren eta elkarteko txikien artean opariak banatu zituzten.

Ikus bideoa trikitilariak Londresen kantari eta Olentzero eta Mari Domingi opariak banatzen:

Beste ekitaldi jendetsu bat Mikel Urdangarin kantariak abenduaren 10ean Oxford House-n (elkartearen egoitzan) eman zuen kontzertua izan zen. London Basque Society-k sarean jarri ditu emanaldiko hiru kanten bideoak. Hona hemen horietako bat: 

Eta, azkenik, geurera dakarkigu ere elkarteak Euskararen Nazioarteko Eguna dela eta abenduaren 3an egin zuen jaiaren bideo-kronikatxo hau. Londresko euskaldunak eta euskaltzaleak Richmond parkean bildu ziren mintzapraktika egiteko eta, ikus daitekenez, giroa bikaina izan zen, bai bertan eta baita euskal etxean ere.

-Londresko Euskal Elkartearen webgunea: www.zintzilik.org



« aurrekoa
hurrengoa »

Erlazionatutakoak

PUBLIZITATEA

PUBLIZITATEA

PUBLIZITATEA

PUBLIZITATEA

PUBLIZITATEA

Irakurrienak

Azken komentarioak

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia