euskalkultura.com

euskal diaspora eta kultura

Albisteak rss

San Nicolaseko Ocariz-Mazzolini bikotea txapeldun Chacabucon Argentinako Mus Txapelketa Nazionalean

2017/06/20

39. Mus Txapelketa Nazionaleko txapeldunak

Erakundearen 28. urteurreneko egunean, Chacabucoko Guillermo Larregui Euskal Etxetik jakinarazi dute San Nicolasko Euzkal Etxeko Alvaro Ocariz - Hector Mazzolini bikoteak beraganatu duela Mus Txapelketa Nazionaleko lehenengo saria joan den asteburuan. Emaitzak horrela, sannicolasatarrek ordezkatuko dute Argentina abuztuaren 25etik irailaren 3ra Estatu Batuetako San Frantziskon eta Chinon jokatuko den Nazioarteko Mus Txapelketan.

Gehiago irakurri...


Euskal Herrian uda honetan egingo diren musika eta dantza jaialdien mapa eta webgunea sareratu du Eresbilek

2017/06/19

Eresbilen webgunean topa daitekeen Euskal Herriko 2017ko udako musika eta dantza jaialdien mapa

Eresbil euskal musikaren artxibo nazionala da eta Gipuzkoako Errenterian dauka egoitza fisikoa. 2017ko uda honi begira (Ipar hemisferioko uda, hegokoan negua) plazaratu berria du ekainetik irailera arte Euskal Herri osoan egingo diren hainbat musika eta dantza bilkura eta jaialdien berri biltzen duen baliabide bat, tartean mapa ere baduela, hobeto topatu eta kontsultatu ahal izateko. Euskal Herrikoentzat eta kanpotik bisitan datozkigunontzat intereskoa. Kontsulta ezazu zeuk ere zeure ordenagailutik.

Gehiago irakurri...


Rosarioko Udalak diploma eman dio Pilar Lopez jotariari eta Nafarroara kantatzera joaten lagunduko diola agindu dio

2017/06/19

Diploma jaso ondoren bi jote abestu zituen Pilar Lopezek (argazkia Rosarioko Udala)

Rosarioko Udalbatzako presidente Daniela Leonek proposamena aurkeztu zion Hiriari Pilar Lopez 15 urteko jota kantari rosariotarrari diploma bat emateko. Harro daude bertan, hain ahots ederreko jota kantari bat Argentinan jaio eta kantari karrerari Iruñetik hamar mila kilometro baino urrunagotik ekin izanaz. Udalak proposamena onartu eta urrats berriak ematen lagunduko diola agindu du. Hiriko Nafar Etxeko kide da Pilar eta internetez Nafarroako Jota Eskolako ikasle. Ostegunean jaso zuen ohorezko diploma.

Gehiago irakurri...


Azulgo Gure Txokoa-ko euskara ikasleek patxarana egin dute eta euskaraz kontatu digute bideoz

2017/06/16

Azulgo Gure Txokoa Euskal Etxeko ikasleek egindako etxeko patxarana

Ideia joan den urteko Euskararen Egunerako ekintza bezala sortu zen: Gure Txokoa Euskal Etxeko euskara ikasleek bideo bat prestatu zuten ospakizunerako, etxean patxarana nola egiten den euskaraz azalduz. Beharrezko urratsak emanda, denbora pasatu da eta abenduan hasitako prozesuaren amaieran, patxarana egin dute eta dastagai dago. Kutsu argentinarrekoa atera zaien euskal edari tipikoa nola geratu zaien kontatu digute ikasleek.

Gehiago irakurri...


Lejardi-Undabeitia eta Zabalbeascoa-Albistur bikoteak izango dira AEBetako ordezkari Munduko Mus Txapelketan

2017/06/16

Ezker-eskuin, Pierro Etcharren, NABOko Mus arduraduna, eta bi bikote irabazleak, Homedale eta Los Banosekoak (arg. NABO)

Zaletasun handia dago munduko euskal etxeetan musarekiko, eta Estatu Batuak ez dira salbuespen. NABO federazioko kide diren ia euskal etxe guztiek bidali zituzten ordezkariak joan den asteburuan Kaliforniako Caruthers-en egin zen final nazionalera. Fresnoko Euskal Etxea antolatzaile. Andrés Lejardi eta Gregorio Undabeitiak osatutako bikotea (Homedaleko Toki Onakoa, Idahon) izan zen irabazle; bigarren, Amador Zabalbeascoa-Victor Albistur bikotea, Kaliforniako Los Banosekoa.

Gehiago irakurri...


Idahoko enpresa ordezkaritza bat bisitan da Bizkaian; gobernadorea datorren datorren astean gehituko zaie

2017/06/15

Bizkaiko ahaldun nagusi Unai Rementeria Idahoko ordezkaritzako partaideak agurtzen

Bidaiaren programa trinkoa hasi aurretik aukera txiki bat izan zuten Gipuzkoako leku batzuk ezagutu eta ondoren Bilbora itzultzeko eta orain hor dabiltza Idahotik etorritako hamahiru pertsona hauek programa estu batekin Boiseko Merkataritza Ganberak lagunduta, bi herrialdeon arteko merkataritza harremanak areagotzeko aukerak lantzen. Unai Rementeria Bizkaiko ahaldun nagusiak asteartean errezibitu zituen. Euren bidaiaren azkeneko egunetan, ekainaren 22an, Idahoko gobernadore Butch Otter gehituko zaio taldeari.

Gehiago irakurri...


Paris-Basque jaialdia: Frantziako hiriburua euskal erakuslehio bilakatuko da bihartik iganderaino

2017/06/15

Paris-Basque ekimenaren afixa. Ekainaren 16tik 18ra egingo da Parisen

Ekainaren 16tik 18ra Seinaren ibaiertzak kolore zuri-gorri-berdez beztituko dira, heldua baita dagoeneko Paris-Basque jaialdia, paristarrek eta bisitariek Euskal Herriko hainbat kultur ezaugarri, modu tradizional eta produktu ezagutu eta dastatzeko daukaten urteroko hitzordua. Bertan topatuko ditugu giro alai eta jolaskorrean, sukaldaritza menu eta erakustaldiak, kirola, jan-edariak, musika, dantza, kultur tradizioak eta gure baserrietako emaitzak. Turistendako euskal herriska tipi bat, hiriburuaren bihotzean.

Gehiago irakurri...


Elkarte berri bat onartu du Eusko Jaurlaritzak euskal etxeen erregistrora: St Pierre eta Miquelongo EEa

2017/06/14

Sain Pierre eta Miquelongo Bandera, ikurriñarekin (arg. Shutterstock.com)

Euskal Etxeentzako eta Euskal Etxeen federazio eta konfederazioentzako 2017ko dirulaguntza deialdiarekin batera, Eusko Jaurlaritzaren aste honetako Gobernu Kontseiluak Saint Pierre eta Miquelongo Euskal Etxea onartu du elkarte berritzat eta Euskal Etxeen erregistro ofizialera sartuta, gainerako euskal etxeek dauzkaten eskubide eta obligazioez gozatu ahal izango du aurrerantzean. Ongi etorri saintpierretamiquelondarrak!

Gehiago irakurri...


Puerto Iguazuko agintari eta herritarrek 'Eskorgako Euskalduna' oroituko duen eskultura inauguratuko dute bihar

2017/06/14

Guillermo Larregiren omenean Puerto Iguazuko hilerrian desestaliko den eskultura

Hogeita bi mila kilometrotik gora egin zituen oinez, eskorga bati bultzaka, Guillermo Larregui nafarrak (1885-1964). Iruñean jaioa, Puerto Iguazu-n hil zen, izan ere auzo zeuzkan Iguazuko urjauzien ondoan. Bere heriotzaren urteurreneko hilabetean omenaldi bat egingo dio bizileku izan zuen herriak ‘Eskorgako Euskalduna’ ezizenaz ezaguna egin zen Larreguiri, eta bere eskultura bat desestaliko dute Puerto Iguazuko ‘El Salvador’ hilerrian dagoen bere hilobian.

Gehiago irakurri...


Jaurlaritzak argi berdea eman dio Euskal Etxeentzako dirulaguntza deialdiari: 900.000 eurotik gora 2017an

2017/06/14

Jaurlaritzak eta Europa, Asia eta Ozeaniako Euskal Etxeek maiatzean Parisen egindako bileraren irudia (arg. EuskalKultura.com)

Eusko Jaurlaritzaren Gobernu Kontseiluak atzo eginiko bileran, Euskal Etxeentzako 2017rako dirulaguntza deialdi nagusia onartu zuen, aurtengoan 902.307 euroko kopurua banatuko dituena, iaz baino 40.000 euro gehiago. Atzoko pausoaren ondotik, deialdia EHAA buletinean argitaratzen denean --ekainaren 21ean seguruenik-- sartuko da indarrean. Erne, beraz, euskal etxe eta federazioak, egun horren biharamunetik aurrera hilabeteko epea izango baitute euren proposamen eta eskabideak aurkezteko.

Gehiago irakurri...


Azken komentarioak

© 2014 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.com

jaurlaritza gipuzkoa bizkaia