euskalkultura.com

euskal diaspora eta kultura

Albisteak rss

Tres Arroyos herri argentinarrak uztailaren 8an estreinatuko du bere Euskal Enparantza

2017/06/27

Euskal Enparantzan ezarriko den oroitarria

Euskal Enparantza berrian Picassoren Guernicaren erreplika ez ezik, lauburua eta Euskal Herriaren silueta duen oroitarri bat ere ikusi ahal izango dute Tres Arroyoseko herritarrek hiriko Constituyentes eta Costa Rica kaleetan dagoen Plaza bisitatzean. Berdegune berrituaren inaugurazio zeremonia uztailaren 8an egingo da San Fermin Festa eta Argentinako Independentziaren Eguneko ospakizunekin batera.

Gehiago irakurri...


39 hizkiko Euskal Herriko bat da munduko bostgarren leku-izenik luzeena; luzeenak 85 ditu

2017/06/26

Munduko izen luzeenetako batzuk (argazkiak The MiceTimes of Asia)

Munduko bostgarren leku-izenik luzeena, euskalduna da. Hala diote "The MiceTimes of Asia" egunkariak argitara eman duen zerrendako egileek, munduko hamar leku-izen luzeenen zerrenda emanez. Euskal izen honek 39 hizki ditu eta luzea da, baina zer dira 39 hizki horiek luzetasunean munduko txapelduna den 85 hizkiko Zeelanda Berriko izenaren aldean. Txartel batean ezin sartu, arnasaldi batean ezin esan. Hona hamar izenok.

Gehiago irakurri...


Mar del Platako Denak Bat-ek bideo bat aurkeztu zuen Dantzari Ohiaren Egunean 2018ko Euskal Astea iragarriz

2017/06/26

Mar del Platako Dantzari Ohiaren Jaia ekainaren10 eta 11an izan zen

Datorren urtean Mar del Platako Denak Bat Euskal Etxeak 75 urte beteko ditu eta Argentinako Euskal Aste Nazionalaren antolaketa bere gain hartuz ospatuko du. 2018ko euskal-argentinar hitzordu nagusia, beraz, Mar del Platan izango da, Hego Amerikako udaberrian. Urteurrenaren eta Euskal Astearen berri emateko bideo ikusgarri bat filmatu dute mardelplatatarrek eta Dantzari Ohiaren Festan aurkeztu zuten. Bideoa zuretzat bildu eta hona ekarri dugu.

Gehiago irakurri...


Euskaldun andana polita bildu zen San Frantziskoko Gure Euskal Etxera eliteko pilota partidak ikusteko

2017/06/23

Abel Barriola, Aitor Mendizabal III, Aitor Irusta eta Aritz Lasa San Franciscon 2017ko ekainaren 2an (argazkia EuskalKultura.com)

San Frantziskoalde osoko euskaldunak, baita Nevada eta Idahoko beste euskal komunitate batzuetakoak ere biltoki izan dute ekain hasieran San Frantziskoko Gure Euskal Etxea (Basque Cultral Center) eta bertako pilotalekua, afari eder batez eta elitezko pilotaz lagunartean gozatzeko. Ekitaldia San Frantziskoko Gure Euskal Etxeak eta Aspe Pelotak babestu dute, Bakersfield-eko Euskal Etxea (Kern County Basque Club) lankide. Lau izan dira Euskal Herritik ekarritako lehen mailako pilotariak San Frantziskon zein Bakersfield-en aritzeko: Abel Barriola eta Aitor Mendizabal III, Aitor Irusta eta Aritz Lasa.

 

 

Gehiago irakurri...


Eiken Euskadiko Ikus-Entzunezkoen Klusterra Mendozan: hitzarmena bertako enpresekin eta afaria Euskal Etxean

2017/06/23

Afari bat eskaini zieten Denak Bateko lagunek Eiken klusterreko ordezkariei

Astebeteko bira egin dute Eiken Euskadiko Ikus-Entzunezkoen Klusterreko Veronica Sanchez nazioartekotze-arduradunak eta Aletxu Echevarria presidenteak Argentinan. Mendozan izandako bileretan Argentinako ikus-entzunezko sektoreko hainbat enpresarekin akordioa sinatu dute elkarlana bultzatzeko. Bisitaren baitan, hiriko euskal kolektibitatearekin elkartu dira klusterreko kideak eta, elkarteko gazteek gonbidaturik, afaria partekatu dute Denak Bat Euskal Etxean.

Gehiago irakurri...


Magdalena Mignaburu eta Josu Legarreta Argentinako Euskal Echea Elkarteari buruzko liburu bat idazten ari

2017/06/22

Euskal Echea Ikastetxeetako ikasle eta irakasleak 'Buenos Aires Celebra' Jaialdian

Kultura eta Ongintza Elkarte honetako Zuzendaritza Batzordeak eskaturik, Euskal Echearen historian sakonduko dute Magdalena Mignaburu historialari argentinarrak eta hogei urte inguru Jaurlaritzako Euskal Gizataldeekiko Harremanetarako zuzendaria izan zen Josu Legarretak. Proiektua bukatzeko data zehatzik oraindik ez badute ere, egileek 2018ko martxoan egongo dela prest adierazi diote EuskalKultura.com-i.

Gehiago irakurri...


Uztailaren 21an bukatuko da Euskal Etxeentzako 2017ko Dirulaguntza deialdira aurkezteko epea

2017/06/22

Argentinako FEVA federazioak bezala, andana bat dira munduan deialdi honetako diulaguntza jasotzen duten euskal etxeak

Atzoko edizioan bildu genuen bezala, atzo bertan eman zuen argitara Euskal Herriko Agintzaritzaren Aldizkariak (EHAA-BOPV) Euskal Etxe, etxeon federazio eta konfederazioentzako diru-laguntza Deialdia 2017. Orotara 902.307 euro banatuko dira, honela sailkaturik: 782.307 euro, IV, kapitulurako, eta 120.000 euro VII. kapitulurako. Gaur hasiko da eskabideak aureteko epea, horretarako azken eguna uztailaren 21 izango delarik.

Gehiago irakurri...


EHAA Buletinak gaur argitaratu du Euskal Etxe eta federazioentzako 2017ko dirulaguntzen deialdi orokorra

2017/06/21

Euskal Etxeentzako deialdia EHAA buletin ofizialean

EHAA buletin ofizialak gaur eman du argitara Euskal Etxeei zuzendutako dirulaguntza deialdi nagusia, eurenn jarduera, ekintzak eta azpiegitura gastuak finanziatzeko 2017ko deialdia. Bihartik aurrera, beraz, hilabeteko epea hasten da eskabideak aurkeztu ahal izateko. Deialdiak 902.307 euroko zuzkidura dauka, gehiena IV. kapitulurako (782.307 euro) eta 120.000 euro VII. kapitulurako. Eskabideak aurkezteko epea bihar hasiko da.

Gehiago irakurri...


Pehuajoko Etxe Alaik Christian Larraburu omendu du ‘Bazkidearen Egunean’, Bakearen Eguna ospagai

2017/06/21

Etxe Alai Euskal Etxeak Christian Larraburu saritu du aurten

Gernikako Bonbardaketaren 80. urteurreneko urtean ekintza berezi bat egingo dute Etxe Alai-ko lagunek Nazioarteko Bakearen Egunean, irailaren 21ean. Izan ere karia horretara, Pehuajoko ‘Y volverán a ser árboles’ izeneko literatur elkarteak gonbidaturik, Gernikako haritzaren kimu bat landatuko dute hiriko pasealeku batean. Gonbidapen horrekin poz-pozik, euskal etxe pehuajotarrak Bazkidearen Eguna ospatu zuen ekainaren 11ean, zazpigarrenez 2011tik.

Gehiago irakurri...


Mexikoko UNAMek abuztutik aurrera emango dituen Euskara eta Euskal Kultura eskolak iragarri ditu

2017/06/20

Abuztuan UNAMgo CELEn hasiko diren ikastaroetako batzuk, Etxepare Euskal Institutua laguntzaile

Uda hemen da eta ikasturte bat amaitu bada ere, udan bertan eta uda amaitutakoan ere ikastaro eta eskola berriak ematen segituko du UNAMek. Izan ere,UNAMek (Universidad Nacional Autonoma de México) aditzera eman berria du datorren sehileko honetan eskainiko dituen Euskara eta Euskal Kultura eskolak, Haizea Elizondo Gorroño irakasle. Eskolak CELEn ematen ditu Etxepare Euskal Institutuko irakurleak.

Gehiago irakurri...


Azken komentarioak

© 2014 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.com

jaurlaritza gipuzkoa bizkaia