euskalkultura.com

euskal diaspora eta kultura

Albisteak rss

Complutense Unibertsitateko ikasle guztiek lor ditzateke euskara kredituak: Josu Bergararen kantaldi batekin ospatuko dute gaur

2017/09/14

Josu Bergara kantari eatarrak kontzertua eskainiko du gaur Madrilen

Josu Bergara kantari eatarrak emanaldia eskainiko du gaur Madrilgo Complutense Unibertsitatean (UCM) eta bertan bere azkeneko lana, "Kanta txikien indarra", aurkeztuko die bertaratzen diren euskaltzale eta musikazaleei. Ekitaldia unibertsitate madrildarreko Taupaka elkarteak antolatu du eta ospakizun berezia ere izango da, bildutakoek euskara ikasten duten UCMko ikasle guztiek aurrerantzean kredituak lortuko dituztela ospatuko baitute.

Gehiago irakurri...


Eusko Jaurlaritzak 234.000 euroko kontu-saila onartu du euskal etxeei laguntzeko euskararen irakaskuntzan

2017/09/14

Euskara Munduan-eko barnetegia Argentinako Mendozan

Deialdi honen bidez bultzatutako ‘Euskara Munduan’ programak 2.000 ikasle heldu baino gehiago ditu mundu zabaleko euskal etxeetan. 234.000 euroko kontu-sailak Europako, amerikar kontinenteko eta Asia-Ozeaniako hamarnaka euskal etxetako ikasle eta irakasleek euskara ikaste/irakaste alorrean egiten duten ahalegina bultzatzeko helburua dauka.

Gehiago irakurri...


Rosarioko Zazpirak Bat Euskal Etxeak ‘Askatasuna eta Bakea’ izena jarri dio bere liburutegiari

2017/09/14

Rosarioko Liburutegiak izen berria du uztailetik

Izendatze zeremonian ‘Askatasuna eta Bakea’ izen berria duen plaka ezarri zuten Zazpirak Bateko agintariek. Horrez gain, dantzari txikiek dantza batzuk eskaini zituzten eta bildutako lagunek topa egin zuten. Honekin batera, Euskal Etxeak 'Gizataldeen Gaua' dela-eta elkarteak irailaren 8 eta 9an izaniko partaidetza azpimarratu du, baita Uzturre Munduan programaren baitan Euskal Herriko hiru gaztek Zazpirak Bati egindako bisita eta antolatutako tailerrak.

Gehiago irakurri...


Argentinako 2017ko Euskal Asteko egitaraua, azaroaren 6tik 12ra San Nicolasen: euskara, zinea, dantza, musika, elkartasuna...

2017/09/13

2017ko Euskal Aste Nazionaleko logotipoa

Erakusketak, hitzaldiak, euskal zine saioak, ekitaldiak eskolakumeekin, Etxe Nasaia programaren 15. urteurrena, Euskal Herritik etorritako Mikel Urdangarin, Xabaltx eta Michel Echeverry kantarien emanaldiak, euskara mintzodromoa, danborradak, kalejirak eta ohiko dantzarien kabalkada eta erakustaldiak, FEVA bilkura, liburutegien, dantzarien, abesbatzen batzarrak, erromeriak eta bez ere ilusio, lan engaiatu eta dedikazio sakon eta sentitu kopuru handi bat dira Argentinako 2017ko Euskal Aste Nazionalak batu eta nahasiko dituen osagaiak. Hona egitaraua.

Gehiago irakurri...


Arrakastaz aurkeztu zuen Javier Isusik bere "Baleak ikusi ditut" liburua Berlingo Modern Graphics liburudendan

2017/09/12

Berlingo Euskal Etxeko Ainhoa Añorga mikroan, atzealdean Lea Hübner itzultailea eta Javier de Isusi marrazkigilea (argazkia Berlingo EE-EuskalKultura.com)

Arrakastaz aurkeztu du joan den asteburuan "Baleak ikusi ditut" bere liburua Javier de Isusi ilustratzaile bilbotarrak Berlingo Modern Graphic liburudenda espezializatuan. Isusik bertan salgai zeuden liburuaren euskarazko, gazteaniazko eta alemanezko edizioak sinatu zituen, izan ere sinadura eske bakoitzari marrazki bat eginez. Marrazkigileaz gain, aurkezpenean Berlingo Euskal Etxeko Ainhoa Añorgak eta Lea Hübner itzultzaileak hartu zuten parte.

Gehiago irakurri...


Euskadi, ohorezko gonbidatua datorren asteburuan Buenos Airesko FIBEGA Sukaldaritza Azokan

2017/09/12

FIBEGA Azokaren bigarren edizioaren afixa

Euskal enpresak eta Jaurlaritza kide dituen ordezkaritza zabala bertaratuko da Buenos Airesera datorren ostiraletik igandera Nekazaritza Elkartean egingo de FIDEGA Gastronomia Iberoamerikarraren Azokara, euskal sukaldaritza eta elikadura sektoreak bultzatzea helburu. Antolatzaileek gonbidaturik, ohorezko eskualdea izango da aurten Euskadi, eta euskal standean eskaintza gastronomiko eta turistikoaz gain, hitzaldiak, tailerrak, ardo dastaketak eta ‘show cooking-ak’ (sukaldaritza erakusketak) egingo dira.

Gehiago irakurri...


Anaitasuna EEak gonbidaturik Necocheako Osasuna Otxoteak alaitasun giro berezia ekarri zion Maipuko Etorkinaren Jaiari

2017/09/11

Necocheako Osasun Otxotea Maipuko Immigrantearen Jaialdian

Musika, dantzak, sukaldaritza eta elizkizunak batu ditu aurten Buenos Aires probintziako Maipuko etorkinen omenezko jaialdiak. Hiriko Anaitasuna Euskal Etxea festaren antolatzailea ez ezik, ikuskizunetako protagonista ere izan zen. Italiako Elkartearen Antzokian bere dantza taldea eta Necocheatik propio etorritako Osasuna Otxotea aurkeztu zituen Euskal Etxeak. Meza garaian, Catalina dantzari gazteak apeza lagundu zuen aldareraino, ikurrina eta bandera argentinarra lagun.

Gehiago irakurri...


Urkullu lehendakariak Gaztemundu 2017ko gazte partaideak errezibitu ditu Ajuria-Enean (bideoa)

2017/09/08

Harrera ekitaldiko une bat atzo Ajuria Enean, gazte musikariak musika jotzen Urkullu bertan dela (argazkia Irekia)

Joan den igande-astelehenean hasita, aurrera darrai Euskal Herrian Gaztemundu 2017, munduko hainbat euskal etxetatik etorritako 14 gazte musikarirekin. Aurten musikari eta euskal instrumentuei eskainia, Argentina, Txile eta Uruguaitik etorritako gaztteak Ajuria-Enearaino heldu ziren atzo, Iñigo Urkullu lehendakariak eskaini zien harrera-ekitaldian parte hartzeko. Heldu ere, euren instrumentuekin heldu ziren eta erakustaldi bat egin zuten Lehendakariaren aurrean. Bere hitzetan, Urkulluk euren euskaltasuna eskertu zien eta "musika gure herriaren kulturaren funtsezko adierazpide"tzat jo zuen.

Gehiago irakurri...


La Platako Euzko Etxeak mural batekin apainduko du etxeko aitzina eta bazkideek diseinua bozkatu ahal izango dute

2017/09/08

Haurraren Eguna Euzko Etxea Euskal Etxean

Muraleko irudiak euskal nortasuna edota euskal kolektibitatearen ezaugarriren bat irudikatu beharko du eta La Platako Unibertsitateko Arte Ederren Fakultateko ikasleek margotuko dute. Diseinua erabakitzeko, galdeketa igo du Euskal Etxeak bere Facebook kontura jendeak hautatu eta bozkatu ahal izan dezan. Euskal ikur batzuk daude hautagai, tartean Gernikako Arbola, lauburua, Euskal Herriko mapa eta sanferminak, soilik batzuk aipatzearren.

Gehiago irakurri...


Euskal Asteburua AEBetan: Pintxo-potea Winnemuccan eta euskal jaiak Marin-Sonoma, Colorado eta Paradise Valleyn

2017/09/07

Asteburu honetan ospatuko dute "Udako Festa 2017 Summer Festival" Nevadako Winnemucca eta Paradise Valleyn

Irailean barneratzen ari gara. Chinoko Euskal Piknika joan den asteburuan bururatu zen eta, honakoan, Marin-Sonomako euskal festa (Kalifornian), Colorado Euskal Etxearena (Coloradon) eta Paradise Valley-koa (Nevadan) ditugu. Marin-Sonomakoa igandean izango da; Coloradokoa, larunbatean; eta Nevadakoak bi egun bilduko ditu: ostiralean, Muma Scramble Charity Golf baitaratuko du Winnemuccan, pintxo-pote eta erromeriarekin Ormachea's jatetxean; eta larunbatean,  Paradise Valleyn, Santa Rosa Euskal Etxearen festa, euskal janari, kirol eta dantza emanaldiz eta Mercedes Mendive & Jean Flesher-en euskal-amerikar musikarekin.

Gehiago irakurri...


© 2014 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.com

jaurlaritza gipuzkoa bizkaia