euskalkultura.eus

Cañuelas, Argentina. Lehiaketa eta integrazio proba egin ziren pasa den irailaren 19an Cañuelasen, 'Kilometroak' delako ekitaldian. Denak Bat Euskal Etxea antolatzaile, herriko eta eskualdeko korrikalarik 10 kilometroko lasterketa batean hartu zuten parte. Irabazleak Monte Grandeko Claudio Burgos – gizonezko kategorian – eta Cañuelasko bertako Cintia Alio – emakumezkoan – izan ziren. Hala ere, ibiltari guztiek -- tartean, ahalmen berezidun eta adineko pertsonek -- jaso zuten oroigarri bat.  

Euskararen aldeko Gipuzkoan urtero egiten den 'Kilometroak' jaiaren espirituari fidela izanez, euskal erakundeak bi “geltoki kultural” muntatu zituen, bata lasterketa hasi aurretik eta bestea, lasterketa bukatzean. Bietan euskal dantzak, musika eta ikurrak ikusi ahal izan ziren.

Korrikaldiak Cañuelasko Udaletxe eta “Molinos Cañuelas” enpresaren babesa izan zuen, eta Lobos herriko Atletismo Elkartea ikuskatzeaz arduratu zen. Sarien banaketa euskal etxeko egoitzan egin zen. Han bazkari arin bat eta dantza ikuskizuna eskaini zitzaizkien korrikan aritu ziren lagun guztiei.