Apirilaren 26an, igandea, zilarrezko ezteiak ospatuko ditu, programa aireratu ondoren, Presencia Vasca irratsaioak. Elkarretaratze berean, gainera bertako Urrundik euskal elkarteko 15. urtebetetzea ospatuko dute paranatarrek. Bazkaria irratsaioaren ostean burutuko da, hiriko El Circulo hotelean.
Gogora dezagun 'Presencia Vasca' igandero emititzen dela goizeko 11etatik 12etara, Parana-ko Radio Universidad-en (105.7 Mhz); bertakoak ez direnek ere badaukate saioa entzuteko aukera, internet bidez, irratiaren webgunetik www.fmuniversidad.com. Programarekin kontaktatzeko, hauexek dira bideak: +54 343 4347777 telefonoa, presenciavasca@gigared.com helbide elektronikoa eta Presencia Vasca Paraná Facebook-eko kontua.