Larunbat honetan, urriaren 20an, NABOren Udazkeneko Bilkura eta Euskal Kantari Eguna egingo dituzte Los Banosen, hiriko Fairgrounds-etan: zatoz eta parte hartu kantari, parte hartzea libre da, etorri eta izena eman besterik ez duzu egin behar eta gehien maite duzun euskal kantu edo bertsoa bota. Kantu saioa 15:00etan hasiko da.
Kantuen partearen ondotik, afaria eta ondoren dantzaldia, Jean Flesher-en Amerikanuak bandaren eskutik.