Mortzila edo odolkia Euskal Herritik Boisera euskaldunek ekarritako molde eta usadioei segituz, Idahoko inguru honetan gorde eta urtero lantzen den tradizioa da, bertako euskaldunek eta euren ondorengoek hona ekarri ondoren urteen poderioz bertan sustraitu eta bertan jaiotako belaunaldi berriek jarraitu eta apreziatzen dutena, besteak beste Boiseko Euzkaldunak euskal etxearen laguntasunarekin.
Azken urteotan eta Boise Hiriko Arte eta Historia Departamentua lankide, Arlie Sommer eta Olivia Weitz prozesu osoa dokumentatzen ibili dira, Euzkaldunak-eko kide eta lagunek ematen dituzten pauso guztiak argazki bidez erregistratuz, beti ere egun dagoeneko tradizio euskal-amerikar gisa aurkez daitekeen tradizio bizi-bizi hau behar bezala gordetzeko.
Egindako dokumentazio lan horrek --argazkiak eta bideoak tarteko-- 'Mortzilla Making' eman du lehenengo fruitu gisa, Boiseko Euskal Museoan urtarrilaren 17an estreinatuko den erakusketa. Zatoz eta bat egin Arlie eta Olivia-rekin eta beste hainbat lagunekin, 18:00etan hasiko den ekitaldian. Erakusketa ostegunetik lartunbata bitartean egongo da zabalik martxoa bitartean.