Kontzertua eskainiko du Josu Okiñena pianojole donostiarrak Nevada-Renoko Unibertsitatean, bertako William A. Douglass Center for Basque Studies Euskal Ikasketa Zentroaren 50. urteurrena dela-eta antolatutako programaren baitan.
Okiñenak bere CD berria, Xuxurlak, aurkeztuko du, zenbait euskal musikagileren orain artean dezezagunak ziren piezekin. Joko ditu, besteak beste, Echeverria, Larrañaga, Bidaurre, Sostoa, Ibarzabal, Aldave, Garbizu, Aita Donostia eta Ravel-en lanak.
Kontzertua Unibertsitateko Mathewson-IGT Knowledge Center eraikineko Rotundan izango da, 12:00etatik 13:00etara, sarrerarik gabe, publikoari zabalik. Okiñenak berak azalduko die bildutakoei kontzertua eta euskal musikagileen lanak berreskuratzen, biltzen eta grabatzen daraman lana.
Xehetasun gehiago, telefonoz, +1 775-784-4854 zenbakira deituz edo emaila hona bidaliz: basque@unr.edu
Ikus hemen Josu Okiñenaren lana eta birari buruzko artikulua