Jardunaldiak, Euskal enpresentzako aukera berriak Mexikoko Energia sektorean.
Urriaren 30ean, osteguna, 8:00etatik 16:00etara. Hotel Camino Real-Mexico-n, Mariano Escobedo 700, Anzures-Polanco, Mexiko Hirian.
Eusko Jaurlaritzak jardunaldi bat antolatu du, energiaren sektoreko euskal hornitzaileek bertatik bertara ezagutu ditzaten Mexikoko organismo eta enpresa garrantzitsuenak eta jakin dezaten zein aukera duten beren produktu, zerbitzu eta teknologiak eskaintzeko Mexikok onartu berri duen energia erreformaren ostean.
Gobernu mexikarraren energia arloko erreformak berekin dakar energiaren industria berriro diseinatu beharra, eta, beraz, aukera berriak sortuko dira beren produktu, zerbitzu eta teknologiak eskaini nahi dituzten enpresa eta antolakundeentzat.
Gainera, Mexikoko energia mix-ean energia berriztagarriak sartzeko, ezinbestekoa izango da azpiegitura elektriko berrietan inbertitzea eta horrek ateak zabalduko dizkie garraio eta banaketa elektrikoaren sektoreetako euskal enpresei, eta baita ere energia berriztagarrien esparrukoei.
Bestalde, hidrokarburoak esploratzeko eta ekoizteko egingo den inbertsioak ere aukera interesgarriak ireki ditzake euskal enpresentzat, batez ere ingeniaritzentzat eta “Oil&Gas” sektoreko instalakuntzetarako ekipo ondasunak fabrikatzen dituztenentzat.
EGITARAUA
| 8:00-9:00 | Erregistroa – Akreditazioak |
| 9:00-9:15 | Irekiera instituzionala |
| 9:15:9:45 | Energiaren sektorea Mexikon
CRE, Energia Erregulatzeko Batzordea |
| 9:45:10:15 | Energia arloko erreformaren alderdi garrantzitsuenak
Sener, Energia idazkaritza |
| 10:15:10:45 | Energiaren sektorea Euskadin
Euskadiko Energia Klusterra |
| 10:45-11:15 | Etena – kafea |
| 11:15-11:45 | Nola bihurtu PEMEXen hornitzaile. Etorkizuneko proiektuen aurkezpena
PEMEX |
| 11:45-12:15 | Nola bihurtu CFEren hornitzaile. Etorkizuneko proiektuen aurkezpena
CFE, Elektrizitatearen Batzorde Federala |
| 12:15:12:45 | Energia Eolikoaren Elkarte Nazionala |
| 12:45-13:15 | Petrolio zerbitzuak ematen dituzten enpresen Mexikoko Elkartea, AMESPAC
Ernesto Marcos, Amespac-eko presidentea |
| 13:15-13:45 | Proiektuen finantzaketa. EXI Energia funtsaren aurkezpena
Mario Gabriel Budebo, EXI-Mexikoko Energia eta Azpiegituren Sustapena |
| 13:45-14:00 | Itxiera eta ondorioak |
| 14:00-16:00 | Koktela. Networking-erako unea
Eusko Jaurlaritzako eta energiaren euskal sektoreko agintariek parte hartuko dute |
Argibide gehiagorako: Arantza Martín - mail@clusterenergia.com – T. 94 424 02 11
Lagun bati bidali
Komentarioa gehitu
