"Jai Alai Blues" filmaren emanaldia iragarri du Euskal Etxeak 20:30etan Utopia zinemetan, eta ondoren debatea pilotaz. Hona Euskal Etxearen deia:
2017/02/24
Utopia zineman
Baionako Atalante eta Bordeleko Utopia zinema aretoek bultzaturik, XX. mendeko jai alai eta pelotarien historiari buruzko "Jai Alai Blues" filma eskainiko dizuegu.
"Jai Alai Bues" filmak nola eraldatu zen euskal pilota, herri kirola izatetik nazioarteko kirol ospetsua izatera, kontatzen du. Munduan zehar, Egipton, Filipinetan, Kuban, Estatu Batuetan, kirol horrek arrakasta lortu zuen eta inbertitzaileek baliatu zuten apustuak sortzeko.
Bordeleko Eskual Etxeko kideak gonbidatzen ditugu 2017ko otsailaren 24an,20:30tan, Utopia zineman, Bordeleko Camille-Jullian plazan, gai interesgarri hori ezagutzera.
Txartelak otsailaren 14tik aurrera salgai izanen dira, 6,50 eurotan.
Filmaren ondotik, CNRSko Jean-Paul Callèdekin eztabaida eginen da. Ikerlari horren lanek kirolaren politika ukitzen dute.