Iñaki Anasagasti Olabeaga EAJko diputatu ohia eta senatari ohia izango da ekainaren 3an Lizarran Manuel Irujo Saria 2017 jasoko duena, “memoria historikoa eta don Manuel-en proiektu nazionalista berreskuratu eta bultzatzeko egin duen lana” sari honekin eskertuz, adierazi du Koldo Viñuales Elkarteko presidenteak.
Ekitaldia 12:30etan hasiko da ohorezko aurresku batekin Santiago Plazan, Irujo Etxea elkartearen ondoan. 13:00etan, Jurramendiko Mankomunitatearen ekitaldi aretoan, sari-ematea. Eusko Jaurlaritzako bozeramale eta sailburu Josu Erkorekak --omenduaren lagun ona denak-- aurkeztuko du Anasagasti, Irujo Fundazioko lehendakari Koldo Viñualesekin batera.