Uztailaren 28an garrantzi handiko bi ekintzaren egoitza izango da Necocheako Euzko Etxea. FEVAk antolatutako "Haztearren, gogoeta" Tailerra goizeko 10etan hasiko da eta honako programa honekin garatuko da egun osoan:
-goizeko 10etan, parte-hartzaileen harrera eta FEVAko agintarien agurra;
-10:30etan, tailerraren hasiera;
-13etan, bazkaria;
-15etatik 18etara, tailerraren jarraipena;
-18etatik 18:30etara, atsedenaldia;
-18:30etatik 20etara, tailerraren amaiera eta ondorio irakurketa.
Gaueko 9etan San Inazio jaia eta erromeria ospatuko dituzte necocheatarrek. Jaialdian Etxeko dantzariek eta musikariek Hator Hona programako gazteekin ikasitakoa erakutsiko dute.