Euskal hizkuntza, janaria, musika eta jokoak izango dira gaur, urriaren 10ean, Carson City-ko Nevada State Museum-en, goizeko 10:00etatik arratsaldeko 15:00ak arte. Hileroko Family Fun Saturdays sailaren barruan euskal kultura eta ondarea erakutsiko dute Xabier Irujok (Center for Basque Studies-eko zuzendarian), bere bost seme-alabek eta zenbait gonbidatu berezik.
Irujorekin batera ariko da Monika Madinabeitia Mondragon Unibertsitateko irakaslea, euskara era dibertigarrian irakasten. 10:30tan Iker Saituak Nevadako euskaldunei buruz hitz egingo du eta musean jokatzen irakatsiko du. Familientzako jarduerak egingo dira egun osoan zehar.