Larunbat honetan, azaroaren 22an, Tandilgo Gure Etxea euskal etxeak bere 65. urtemuga ospatuko du egitarau honekin:
-19:30etan, Danborrada hirian zehar, Santamarina eta Sarmiento kaleen izkinatik Independentzia Plazako estalpera;
-20:15etan, Dantzaldiaren hasiera: agintarien hitzak eta aurreskua;
-20:30etan, Danborrada, abesbatza eta dantza ikuskizuna Tandilgo Gure Etxea, Mar del Platako Denak Bat, Necocheako Euzko Etxea, Maipuko Anaitasuna eta Lapridako Lagunen Etxea euskal etxeetako dantzariak lagun.
Plazan edariak eta haragi errea salduko da. Jaiak ordu txikiak arte jarraituko du, euskal etxean (Sarmiento 1079) egingo den erromeria batean.