euskalkultura.com

euskal diaspora eta kultura

Albisteak rss

Azken ikutuak emanik, guztia prest Washingtonen 2016ko Smithsonian Folklife Festival-ak ateak zabal ditzan

2016/06/29

Euskaldunen 2016 Smithsonian Folklife Festivala Washingtongo Obeliskoaren (irudian) eta Kapitolioaren artean zabaltzen da (argazkia EuskalKultura.com)

Guztiak lanean ziren atzo asteartea Washington hiriburuko National Mall-en, azken ikutuak ematen gaur asteazkena, goizeko 10etan (Euskal Herrian arratsaldeko lauak direla) 2016ko Smithsonian Folklife Festival-i hasiera emateko, euskaldunak eta Euskal Herria aurtengo edizioko ardatz. Inaugurazio ekitaldi ofiziala goizean, Kapitolioa albo batean zelatari muntatu den Euskal Herri txikiak Kepa Junkera eta Sorginak-en emanaldia bizituko du iluntzean. Hona inaugurazio aurreko azken argazkiak. Zero eguna gaur da.

Gehiago irakurri...

PUBLIZITATEA

2016ko Gaztemundu euskal sukaldaritzari buruzkoa izango da eta urriaren 1etik 16ra egingo da Donostian

2016/06/29

2015eko Gaztemundu programako partehartzaileei harrera Lehendakaritzan (argazkia Irekia)

Eusko Jaurlaritzaren Kontseiluak Gaztemundu programaren aurtengo deialdia onartu zuen atzo. Euskal sukaldaritza izango da aurten euskal etxeetako gazteei zuzenduriko trebakuntza programaren ardatza, eta guztira 25 lagunek parte hartu ahalko dute. Eskabideak aurkezteko epea deialdia Euskal Herriko Agintaritzaren Aldizkarian argitaratu ostean irekiko da.

Gehiago irakurri...

PUBLIZITATEA

Armstrong herriko Eusko Txokoak, Santa Fe probintzian, sukaldaritzaren bidez zabaltzen du euskal izena

2016/06/29

Elorriaga sendia Armstrong-eko Gizataldeen Jaian

Eusko Txokoa euskal jatetxe eta euskal etxea da. Duela hamabost urte sortu zuen Armstrong-eko Elorriaga familiak eta zalaparta handirik egin gabe, euskal giroa sustatzen du bere inguruan, batez ere gastronomiaren bidez. “Proiektu familiarra da, euskal etxea gure etxea da”, adierazi dio EuskalKultura.com-i familiaren burua den Norberto Elorriagak. “Dena den, asko gustatuko litzaiguke Argentinako euskal kolektibitatearekin kontaktatzea”.

Gehiago irakurri...

PUBLIZITATEA

Smithsonian Folklife Festival 2016: Washington hiriak ohorez hartuko ditu Euskal Herria eta euskaldunak

2016/06/28

Aurreko Folklife Jaialdiaren edizio bat, 2014koa, Txina eta Keniari eskainia (argazkia Francisco Guerra-Smithsonian Institution)

Gutxitan izango dute euskaldunek aste honetan eta datorrenean Washingtonen gauzatuko den aukera hau bezalakorik Estatu Batuen bihotzean sartzeko, sukalderaino, amerikarrek eurek antolatutako ekitaldi batean, Smithsonian bezalako erakunde prestigiotsu baten eskutik. Antolatzaileek, milioi bat bisitari aipatu dituzte urtero egiten den hitzordu honetara, aurten, baina, euskaldunak ardatz, Kapitolioaren aurrean, hiriak bisitari gehien bereganatzen duen Uztailaren 4ean. Egun bakarra falta da estreinurako.

Gehiago irakurri...

PUBLIZITATEA

Javier Canteras sukaldariak Urdaneta izeneko jatetxea irekiko du Portlanden, telebistan irabazitako sariarekin

2016/06/28

Javier Canteras sukaldaria (ezk) eta Ryan Spragg bazkidea (esk) (argazkia Facebook/The Basque Supper Club)

Javier Canteras sukaldaria arrakasta lortu du aspaldion Portland-en The Basque Supper Club izeneko pop-up jatetxearekin. Orain, baina, beste pauso bat emango du eta egoitza fisiko finkoa duen jatetxea irekiko du, Urdaneta izenarekin, uztailaren erdialdean. Jatetxea abian jartzeko dirua era bitxi batean lortu zuen Canterasek, telebistako "Restauran Startup" saioa irabazita. Hau de bere istorioa.

Gehiago irakurri...

PUBLIZITATEA

Baita ere ...

Albiste gehiago...

Oroimenean

PUBLIZITATEA

Besteek esana

PUBLIZITATEA

Blogak

Azken komentarioak

Euskaletxeak.net

Blogak

prev next

© 2014 Basque Heritage Elkartea

Portuetxe 51, 201. bulegoa
20018 Donostia / San Sebastián
Tel: (+34) 943 504477 / (+34) 943 316170

jaurlaritza gipuzkoa bizkaia