euskalkultura.eus

diáspora y cultura vasca

Noticias rss

Euskal Herriko eta Kataluniako idazleek Xaretan hasiko dituzte heldu den astean Pirineoetako idazle topaketak

17/06/2005

PUBLICIDAD

Datorren asteko ostiralean, San Juan egunez, hasiko dituzte Xaretan XII. Pirineoetako Idazle Topaketak (Lapurdiko Sara eta Ainhoak eta Nafarroako Urdazubi eta Zugarramurdi herriek osatzen dute Xareta eskualdea). Katalanez XII Trobada d'Escriptors al Pirineu izena hartu duten jardunaldi hauek ekainaren 24 eta 25ean garatuko dira herrialde katalanetako eta euskal idazleen partaidetzaz.

Topaketek idazle arteko hitzorduak eta hitzordu publikoak izango dituzte. Idazleen artean, gidari izango dira Iñaki Zubeldia, Edu Zelaieta, David Tijero, Inma Errea eta Itziar Madina euskaldunak eta Sebastiá Alzamora, Vicent Alonso, Vicenç Pagès, Joan-Daniel Beszsonoff eta Inma Monsó katalanak.

Harrera publikoa, ostiralean eginen zaie, arratsaldeko 8etan Urdazubin. Larunbatean, berriz, hitzaldia izanen da ordu berean Isidor Cónsul-en eskutik, gaia 'Kataluniako literatura gaur egun', 9etan Lux Mundi liburuaren aurkezpena eginen eta 11etan poema errezitaldia 'Mugaldekoak-Poemes i cançons de frontera' izenburupean. Informazio gehiago, EIEren webgunean, hemen.


« anterior
siguiente »

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia