Dokumentu Akzioak

Bideoak

Maila bat gorago
Euskal dantza tradizionala EHko plazetan berreskuratzen

Euskal dantza tradizionala EHko plazetan berreskuratzen

2013/04/11

Lan ederra egiten dute Aiko taldeko kideek euskal dantza tradizionalaren altxorra euskal herrietan berezkoa duen lekura, plazara, berriro ere ekartzen, arin, koloretsu, jostalari eta natural-natural dibertigarri. Otxandioko (Bizkaia) hitzordua da irudiok islatzen dutena, 2013ko martxoaren 24an eginikoa, eta ondoko lagunarteko bazkaria, Korostondo jatetxean. Hitzorduak gehiago dira. Animatzen? Ikus www.aikotaldea.com.

bideoa ikusi

KorrikaKlipa Londrestik!

KorrikaKlipa Londrestik!

2013/03/12

Korrika 18 datorren martxoaren 23an helduko Londresera, London Basque Society elkarteak egingo duen jaiaren baitan. Bien bitartean, eta giroa berotzen hasteko asmoz, Londresko euskaltzale talde batek KorrikaKlip lehiaketarako bideoa prestatu du. Korrika badator!

bideoa ikusi

Hinka folk taldearen aurkezpen bideoa: 'Begira'

Hinka folk taldearen aurkezpen bideoa: 'Begira'

2013/02/04

Sei musikarik osatua, Hinka taldeak euskal soinu tradizionalez elikatzen den musika proposatzen du. 2013ko udatik goiti zuzenean ikusteko parada izanen dugula iragartzen dute. Anartean, haien lanaren aitzin gustu bat, pilula gisa dastagai, eskaintzen digute, bideo honetan jendeaurretzen duten 'Begira' kantuarekin. Taldearekin harremantzeko, idatzi hinkataldea@gmail.com helbidera. Telefonoz, (33) 626 265984 (Maitena). Zorte on talde berriari!

bideoa ikusi

Montevideoko Euskal Erria elkartearen Mendeurrena

Montevideoko Euskal Erria elkartearen Mendeurrena

2013/01/14

Euskal Erria elkarte uruguaiarrak ehun urte bete zituen 2012an eta orain sarean jarri du urtean zehar Mendeurrena ospatzeko egin zituzten ekitaldien irudien bideoa. Zorionak Euskal Erria!

bideoa ikusi

Euskaraz Trafalgar Square-tik

Euskaraz Trafalgar Square-tik

2012/12/24

London Basque Society elkarteak Londres hiriaren bihotzean ospatu zuen Euskararen Nazioarteko Eguna, Trafalgar Square plazan. Elkarteko bazkide batzuk National Gallery museo famatuko eskaileretan jarri eta euskaraz bizitzeko eskubidea eta gogoa aldarrikatu zuten. Elkarteak "Making of" hau ipini du sarean.

bideoa ikusi

Mundu ikustezinak: solasean itzulitako emigranteekin

Mundu ikustezinak: solasean itzulitako emigranteekin

2012/11/15

Iragan urriaren 19an jardunaldi bat antolatu zuen Deustuko Unibertsitateko Bizkailab ekimenak Diasporari lotutako fenomeno baten inguruan: itzulitakoez, esan nahi baita urte batzuk edo bizitza oso bat kanpoan pasa ondoren Euskal Herrira itzulitako euskal emigrante eta euskal jatorrizkoez. Gaia aztertu du ikertzaile talde batek, Pedro J. Oiarzabal eta Nerea Mujika buru, eta eurak egindakoa da orduan aurkeztu eta orain hona ekarritako aurkezpen-bideo hau, "Gure Bizitzen Pasarteak: Erbestea, Emigrazioa eta Itzulera Bizkaira" izenburupean itzulerari buruzko arreta bildu nahi duena. Ikus baita ere www.blogseitb.us/basqueidentity20/2012/11/15/mundos-invisibles.

bideoa ikusi

"Baztan" zinema aretoetara helduko da

"Baztan" zinema aretoetara helduko da

2012/09/20

Iñaki Elizalde iruindarraren lehen luzemetraia, "Baztan" pelikula, euskal zinematan estreinatuko da urriaren 5ean, Donostiako Zinemalditik igaro ostean.

bideoa ikusi

"Bertsolari" filmea San Frantziskon

"Bertsolari" filmea San Frantziskon

2012/09/04

Ostiral honetan, irailaren 14ean, "Bertsolari" dokumentalak abiatuko du BEO (Basque Educational Organization) elkartearen udazkeneko Euskal Zinema Saila. Emanaldia Basque Cultural Center elkartean egingo da (559 Railroad Av., South San Francisco), eta bertan izango da Asier Altuna zuzendaria ere. Biharamonean, San Francisco Latino Film Festival jaialdian ikusgai izango da.

bideoa ikusi

Euskal detektibe bat printzesa indigena bat salbatzeko

Euskal detektibe bat printzesa indigena bat salbatzeko

2012/07/30

Etxepare Institutuaren webgunean irakurri dugu. "Thriller baten osagai guztiak betetzen ditu: ezinezko maitasuna, intriga, tiroketak… Baina horrez gain, “La niña de Maracaibo” filmak badu balio erantsi bat; hizkuntza aniztasuna. Euskaraz, gaztelaniaz eta wayuunaiki hizkuntzan -Waayuen hizkeran- filmatutako westerna da. Asier Hernandez aktore euskalduna da gainera pelikulako protagonista. Hil honetan estreinatu dute Kolonbiako zine aretoetan Venezuela eta Euskadi arteko koprodukzio hau".

bideoa ikusi

Itsuentzako Futbolean La Platako Euzko Etxea taldea

Itsuentzako Futbolean La Platako Euzko Etxea taldea

2012/06/13

Hasi berria du denboraldia Argentinan, La Platako Euzko Etxea taldeak Itsuentzako Txapelketa Nazionalaren baitan. Bideoa, lehenengo partidaren aurretik atera zen eta orain badakigu emaitza husnakoa izan zela Huracan taldearen kontra. Bigarren partidan, ekainaren 17koan, Roman Rosell Institutua arerio. Gogo handiz dabiltza Euzko Etxekoak. Aupa Centro Vasco!!!

bideoa ikusi

Bideoak

Atal honetan diasporarekin zerikusia duten bideoak gehituko ditugu. Batzuk guk geuk sortutakoak; beste batzuk, sarean aurkitu ditugunak.


 

bisita