euskalkultura.eus

euskal diaspora eta kultura

Albisteak rss

'Zingirako Euskaldunak' Euskal Etxea Chascomús hiriaren 230. urteurreneko ekitaldietan partaide

2009/06/15

Desfilea Chascomúseko kaleetatik (argazkiak ChascomúsEE)
Desfilea Chascomúseko kaleetatik (argazkiak ChascomúsEE)

PUBLIZITATEA

Buenos Aires probintziako Chascomus hiriak ospatu berria du hainbat ekitaldirekin sortu zeneko 230. urteurrena. Ekitaldiotan herriko indar biziek hartu dute parte eta horien artean, ezin bestela izan, bertako 'Zingirako Euskaldunak' Euskal Etxea ere aritu da. Bertako elkarteen artean aktiboenetakoa delako batetik, baina bestalde, baita herriak handia eta aberatsa duen euskal presentzia eta ekarpenaren ordezkari den heinean ere. Kanpora eta barrura begira antolatu dituen ekintzen artean, mus txapelketa eta Chascomús-eko kaleetan zehar ibili zen kabalkada ikusgarria.

Chascomús, Argentina. 230 urte dira Chascomús hiria sortu zenetik eta hau ospatzekotan hirian zenbait ekitaldi egin dira. 'Zingirako Euskaldunak' Euskal Etxeko kideek, urteurren honetan parte hartu nahi izan dute eta karia horretara Mus txapelketa antolatu zuten. Horretaz gain, hiriko kaleetan zehar egin zen desfile handian aritu zen Euskal Etxea eta bertan, egiten dituen aktibitateetako gehientsuen ordezkariak. Chascomuseko dantzariek euskal kolorez bete zituzten bertako karrikak.

Desfilea Chascomúseko kaleetan

[Desfilea Chascomúseko kaleetan barrena]

Kabalkada edo desfilean, Euskal Etxeko 'Eusko Hazia' dantzari taldekoak, euskara ikasleak, pilota taldea eta muslariak ibili ziren, eta baita Zuzendaritza Batzordekoak ere.

Pilota taldeko partaide batzuk

[Pilota taldeko kide batzuk, euskal etxe barruan euskal kirol hau praktikatzen duen jende multzoaren ordezkari]

Bi mus jokalari desfilean atera aurretik

[Euskal Etxeko bi mus jokalari desfilean atera aurretik] 

Euskal Etxearen karroza desfilean

[Euskal Etxeko karroza desfilean]

Desfilerako, Euskal Etxeko kideek, zenbait lagunen laguntzarekin, karroza bat egin zuten. Karrozak bertako euskal kultura tradizionalaren zenbait osagairen erakusle izan nahi zuen, bertan trikitixa, ikurriña, esne marmitak...



« aurrekoa
hurrengoa »

Erlazionatutakoak

PUBLIZITATEA

PUBLIZITATEA

PUBLIZITATEA

PUBLIZITATEA

PUBLIZITATEA

Irakurrienak

Azken komentarioak

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia