Hemen zaude: Hasiera Albisteak Zigilu honekin hartu du gogoan Uruguaiko Postak Euskal Erria Euskal Etxearen Mendeurrena (1912-2012)

Zigilu honekin hartu du gogoan Uruguaiko Postak Euskal Erria Euskal Etxearen Mendeurrena (1912-2012)

2012/05/30

Iragan astean aipatzen genuenez, Uruguaiko Posta Zuzendaritza Nazionalak bat egin du Montevideoko Euskal Erria Euskal Etxea ospatzen ari den Mendeurrenarekin eta izan ere zigilu berezi bat plazaratuz egin du, efemeridea bildurik. Daniel Pereyrari zor zaion diseinuaren 15.000 ale atera dira, horierariko bakoitza 37 pesoko balioduna. Zigiluak pilota jokoa (hain zuzen ere jai-alai edo zesta-punta) erakusten du ezkerreko irudian, eta horren ondoan Gernikako Arbola eta Juntetxea. Horiekin honako hitzak: "Institución de Confraternidad Vasca Euskal Erria 1912-2012" eta ikurrin bat, barnean zigiluaren prezioa duela, 37 peso uruguaitar.

Montevideo, Uruguai. Zigiluaren jaulkitze-eguna eta bere aurkezpena ere joan den ostiralean egin ziren, maiatzaren 25ean. Aurkezpen-ekitaldia euskal etxean bertan egin zen, ostegun iluntzean, gure buletinak egoki adierazi zuenez.

[Mendeurrenaren logoa: euskal haritzaren hostoa, ceibo-aren lorea ondoan]

[Lehenengo plazaratze eguneko zigilu-marka, Mendeurrenaren logoarekin]

Oroi dezagun Montevideoko Euskal Erria euskal etxea [erregistro izena eta oraindik ere zenbait gauzatarako erabiltzen duena "Confraternidad Vasca Euskal Erria" du] hiriburu uruguaitarrean sortarazi zuten 2012an, martxoaren 30ean hain zuzen. Karia horretara, bere estatutuetan hala bildurik Euskal Herri hego eta iparraldean jaiotako eta jatorridunen bilgarri eratu zen lehenengo euskal etxe hau Mendeurrena ospatzeko zenbait ekitaldi ari da gauzatzen. Izan ere, zigilu-jaulkitze hau ere ospakizun horien baitara bildua da. Uruguaiko Postak euskal elkarte honek hirugeita hamabost urte bete zituenean ere atera zuen urteurren hura gogoratzeko beste zigilu bat [irudiak, Uruguayensussellos.blogspot.com.es]

-Uruguaiko Posta Nazionalaren webgunea: www.correo.com.uy
-Zigiluei buruzko bloga http://uruguayensussellos.blogspot.com.es

 

 

Komentarioa gehitu

Komentario bat gehitu zenezake formularioa betata

(Beharrezkoa)
Esaiguzu zure izena
(Beharrezkoa)
(Derrigorrezkoa)
(Derrigorrezkoa)
(Beharrezkoa)
Erantzun galderari aurrera jarraitzeko:

Zenbat dira hiru gehi bi? (idatzi zenbakiekin)

Zigilu honekin hartu du gogoan Uruguaiko Postak Euskal Erria Euskal Etxearen Mendeurrena (1912-2012)

Montevideoko Euskal Erria Euskal Etxearen Mendeurrena gogoratuz Uruguaiko Posta Zuzendaritza Nagusiak atera duen zigilua

E-postaz harpidetu albisteetara

bisita