Hemen zaude: Hasiera Albisteak Zazpiak Bat Euskal Etxeak Renoko Basque Festival jaialdiaren 41. edizioa egingo du asteburu honetan

Zazpiak Bat Euskal Etxeak Renoko Basque Festival jaialdiaren 41. edizioa egingo du asteburu honetan

Renoko euskal komunitateak urteko jai handienetako batez gozatzeko aukera izango du asteburu honetan, herriko Euskal Jaialdia antolatu dutelako Zazpiak Bat Euskal Etxekoek. Jaiaren 41. edizioa da aurtengoa eta ohi bezala hitzordua Wingfield parkean izango da. Bertan egun osoan zehar euskal kultura, dantza eta musika erakustaldiak egingo dituzte eta gosea duenarentzat ez da euskal-amerikar kutixiarik faltako. Jaiari bukaera emateko Boiseko Amuma Says No taldeak kontzertua eskainiko du Santa Fe euskal jatetxean egingo den erromerian.

Reno, Nevada. Dena prest dago Renoko Zazpiak Bat Euskal Etxean Basque Festival, jaialdiaren 41. edizioari hasiera emateko, larunbatean. Urtero egiten duten bestan Ameriketako parte honetara heldutako euskaldunen ondorengoek euren ohiturak eta kultura erakutsi eta partekatzen dituzten Renoko beste komunitateekin. Jaialdia Wingfield parkean egingo da eta ateak goizeko hamarretan irekiko dira. Sarrera doan da eta egunean zehar egingo diren jarduerekin asebetetzen ez direnek gauean erromerian dantzatu ahal izango dute Boisetik etorritako Amuma Says No taldearen musikarekin Santa Fe euskal ostatuan (Lake Street).

Zazpiak Bat Euskal Etxea 1966ean sortu zen eta bere Basque Festival hau urteko Renoko ekitaldi klasikoetako bat bihurtu da. Eguneko egitarauan denetariko jarduerak daude: Jesus Goñi (Reno) eta Johnny Curutchet (San Francisco) bertsolariak, dantza erakustaldiak Renoko 'Zazpiak Ba't eta Chinoko 'Gauden Bat' taldearekin, irrintzi eta txinga lehiaketak, eta aizkolariak. Gainera egunean zehar euskal amerikar jakiak izango dira salgai euskal etxearen standean: txorizo, arkume, solomo eta piper eta gazta ogitartekoak, besteak beste. John Ysursa arituko da aurkezle.
Komentarioa gehitu

Komentario bat gehitu zenezake formularioa betata

(Beharrezkoa)
Esaiguzu zure izena
(Beharrezkoa)
(Derrigorrezkoa)
(Derrigorrezkoa)
(Beharrezkoa)
Erantzun galderari aurrera jarraitzeko:

Zenbat dira hiru gehi bi? (idatzi zenbakiekin)

Zazpiak Bat Euskal Etxeak Renoko Basque Festival jaialdiaren 41. edizioa egingo du asteburu honetan

Renoko Zazpiak Bat taldeko dantzari batzuk

E-postaz harpidetu albisteetara

bisita