euskalkultura.eus

euskal diaspora eta kultura

Albisteak rss

Valparaiso Kepa Bilbao eta Jose Miguel Medina abade euskaldunak orain 50 urte apaiztu zirela ari da ospatzen

2013/07/17

Valparaisoko apezpiku Gonzalo Duarte monsinorea aste honetan, urtebetetze meza ematen. Osasun arazoak tarteko, bi euskal apaizak ez ziren bertaratu (argazkia Noticias.iglesia.cl)
Valparaisoko apezpiku Gonzalo Duarte monsinorea aste honetan, urtebetetze meza ematen. Osasun arazoak tarteko, bi euskal apaizak ez ziren bertaratu (argazkia Noticias.iglesia.cl)

PUBLIZITATEA

Aste honetan badaukate zer ospatua Txileko Viña del Mar-en, bost hamarkada bete baitituzte apaiz lanetan Euskal Herriko bi abadek. Mezak eta jai giroa uztartuta, Kepa Bilbao Laka eta Jose Miguel Medina Arizmendiarrieta dira ospagai, eurak edo euren 50 urteko bokazio eta konpromisoa. Txileko 5. Erregioko Euskal Etxetik honako oharra helarazi digute, jakinaraziz euren webgunean aurki daitekeela honi buruzko informazio gehiago.

Valparaiso, Txile. XX. mendeko 60. hamarkadan Txilera gazte eta eskarmentu gabeak iritsita, berehala engaiatu ziren denboran zehar segitu eta marka utzi duten ekimenetan, izan ere horiei esker ezagunak eta maitatuak dira, ez soilik beren inguru gertuenean, haratago ere baizik, egin duten lanak onuradun asko izan baititu, adierazi digute Viña-Valparaisoko Eusko Etxetik.

Sortzez bizkaitarrak biak, Valparaisoko Bellavista muinoko Aita Karmeldarren artera iritsi ondoren, San Fernandoko (6. Erregio txiletarra) landa eremuetan hasi zuten euren ibilbidea, geroago erronka handiagotara iraganez, esan nahi baita Santa Teresita de Los Andes Santutegiaren eraikuntza, Jose Miguel Medinaren kasuan, edo Reñaca Altoko eskolak sortzea, Kepa Bilbaorenean.

Eurak bizitutakoaren zati bat aipagai hartu zuen “Arrojos, dichas y nostalgias. Vasco en el Valparaíso del siglo XX” izenpean Rubila Araya Ariztia kazetariak idatzitako liburuak (Eusko Jaurlaritza, Urazandi bilduma, 2007). Hor bildutakoak egungotasuna hartzen dute egunotan eta liburuan aparte Araya Ariztiak egindako elkarrizketek isla hartua dute baita ere Viña-Valparaisoko Eusko Etxearen webgunean, helbide honetan: http://www.euskoetxea.cl/entrevistas.php, euskal etxetik jakinarazi zaigunez.



« aurrekoa
hurrengoa »

Erlazionatutakoak

PUBLIZITATEA

PUBLIZITATEA

PUBLIZITATEA

PUBLIZITATEA

PUBLIZITATEA

Irakurrienak

Azken komentarioak

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia