euskalkultura.eus

euskal diaspora eta kultura

Albisteak rss

'Urte berri on, amona!' eta '80 egunean' emango dituzte asteburuan Pariseko Different! zinemaldian

2012/05/29

"Urte berri on, amona!" filmaren afitxa
"Urte berri on, amona!" filmaren afitxa

PUBLIZITATEA

Pariseko Different! zinemaldiaren barruan bi euskal luzemetraia erakutsiko dituzte aste honetan Parisen. Bata, Jon Garaño eta Jose Mari Goenaga zuzendarien "80 egunean" filma izango da eta larunbatean aurkeztuko dute Nouveau Latina aretoan. Goenaga eta Itziar Aizpuru aktorea izango dira bertan. Aurre-estreinaldia izango da emanaldia, izan ere, ekainaren 13an Frantziako zinemetan izango da ikusgai. Igandean, berriz, Telmo Esnal zuzendariaren "Urte berri on, amona!" komedia beltzaren txanda izango da. Zuzendaria bera eta Joseba Bengoetxea aktorea bertaratuko dira, filmari buruzko solasaldian parte hartzera.

Paris, Frantzia. Asteburu honetan euskal zinema ikusi ahalko da Parisen, Different! zinemaldiari esker. Bostgarren edizioa du jaialdi honek eta aurrekoetan bezala, euskaraz egindako filmeek lekua izango dute oraingoan ere. Zinemaldia bera ostiralean hasi eta ekainaren 7an amaituko bada ere, lehenengo euskal emanaldia larunbatean egingo da, "80 egunean" luzemetraiarekin.

Euskaraz errodaturiko lan honek adineko bi emakumeen arteko maitasun istorioa eta hautu bat ditu oinarri: burua edo bihotzaren artekoa. Jon Garaño eta Jose Mari Goenaga zuzendarien lan honek sari ugari lortu ditu munduko hainbat zinemalditan, eta baita ikusleen harrera beroa ere. Filmak, gainera, Frantzian banaketa eskuratzea lortu du eta ekainaren 13tik aurrera Hexagonoko zinema aretoetan izango da ikusgai.

Ondoren, igandean, Telmo Esnalen "Urte berri on, amona!" izango da ikusgai. Maria de Medeiros aktore portugaldarrak aurkeztuko du filma eta Esnal berak eta Joseba Bengoetxea aktoreak ikusleekin solas egingo dute. Bi emanaldiak Noveau Latina aretoan egingo dira. Etxepare Euskal Institutuaren laguntzarekin izango dira jaialdian bi filmetako zuzendariak.

-Zinemaldiaren webgunea, hemen



« aurrekoa
hurrengoa »

Erlazionatutakoak

PUBLIZITATEA

PUBLIZITATEA

PUBLIZITATEA

PUBLIZITATEA

PUBLIZITATEA

Irakurrienak

Azken komentarioak

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia