Uholdeengatik bertan behera gelditu ostean, "Barbau Hamalau" ikuskizuna bueltan da aste honetan Xiberoan

2014/07/21

"Barbau Hamalau", Dominika Rekaltek idatzi duen ikuskizunaren afitxa

PUBLIZITATEA

Asteazken eta ostegunean ikusgai izango da Ozazen "Barbau hamalau", pastolara eta maskarada berritzen dituen ikuskizuna. Hebentik kolektiboak antolatu du ikusgarria, Dominika Rekalten gidoiarekin, dantza, kanta eta antzerkia nahasturik. Ikuskizunaren estreinaldia bertan behera gelditu zen iragan uztailaren 4an eta 5ean, Zuberoan izan ziren uholdeak direla eta. Antolatzaileek ez dute amore eman nahi izan eta berriz ere ikusgai izango da lana aste honetan.

Ozaze, Zuberoa. Iragan uztailaren 4 eta 5ean bertan behera gelditu zen uholdeak zirela eta "Barbau Hamalau" ikuskizunaren emanaldia Ozazen, baina antolatzaileek lan hau ikusteko aukera berri bat eskaini nahi diete ikusleei eta emanaldi berriak egingo dira aste honetan. Zehazki, emanaldiak asteazkenean eta ostegunean egingo dira, Ozazen, 21:30etan.

Antolatzaileek aditzera eman dutenez, aurreko emanaldietarako sarrerak erosi zituztenek txartel horiek erabili ahalko dituzte. Hori bai, goiz agertzeko eskatzen duten, lekuak mugatuak baitira.

Dominika Rekalten idatzia da ikusgarriaren testua eta Zuberoako artista andanak parte hartzen du bertan: CNAS fanfarea, Jamal eta Hosni M’Hanna dantzan, Suak taldea sutan, Kakots (eszenografia), Pierre Vissler (soinu sortzea). Antolatzailea Hebentik Zuberoako kultur taldea da. Ikus bideoa, Kanaldude Telebistak egina:

Azken komentarioak

La Platan Eguzkipean
Sonia Oceja
Durango
2024/02/16
Ederra!
Patxi Etxeberria
Donostia
2023/11/20
El Porteño
Euskal Argentina
Donapaleu Baxe Nafarra
2023/11/03
Lan ederra
Esti
Buenos Aires, Argentina
2023/10/19
Datorren astean
Xabier
San Frantzisko
2023/10/15

euskalkultura.eus

Albisteak

Uholdeengatik bertan behera gelditu ostean, "Barbau Hamalau" ikuskizuna bueltan da aste honetan Xiberoan

Erlazionatutakoak

Irakurrienak

Azken komentarioak