euskalkultura.eus

Elko, AEB. Amaitu da Udaleku eta ostiraleko ikuskizunaren ostean lagunei agur esan eta senitartekoekin etxera itzultzeko ordua heldu zen kanpalekuan izan diren 65 neska-mutilentzat. Esperientzia aparta gogoan izango dute urtetan, bi aste hauetan lagun berriak egin eta euskal kulturaz gozatzeko aukera bikaina izan dutelako.

Ostiralean heldu ziren Elkora gaztetxoean guraso eta senitarteakoak, euren umeak ikusteko irrikaz. Neska-mutilek ikuskizun berezia prestatu zuten eta bertan udalekuan zehar ikasitakoa erakusteko aukera izan zuten. Leku berezia izan zuten euskal dantzek, eta dantzariak txalo ugari jaso zituzten. Erakustaldi honekin abiatu ziren Elkoko euskal jaiak: Elko Basque National Festival delakoa, Nevadako herri honetako euskal etxeak antolatuta.

Jarraian Udalekuko hainbat argazkia (gehiago ikusteko, jo Udaleku 2014 Facebook orrira):

[Lamoille Canyon-era txangoa (argazkia Udaleku2014)]

[Atsedenalditxoa (argazkia Udaleku 2014)]

[Beroari aurre egiteko, ur-globoekin borrokan! (argazkia Udaleku 2014)

[Aulkien jokoan lehia zitala izan zen; batzuk lurrean amaitu zuten! (argazkia Udaleku 2014)]

[Eskulanen orduan, Omako basoaren erreplika txikiak egin zituzten gazteek (argazkia Udaleku 2014)]

[Pozik azkeneko eguneko dantza erakustaldia eta gero. Datorren urtean, gehiago! (argazkia Udaleku 2014)]