euskalkultura.eus

Villa General Belgrano, Argentina. Aurten urriaren 1etik 11 bitartean, biak barne, luzatu den Garagardoaren Festa Nazionalak Cordoba hiriburuko Gerora Euskal Kultura Elkarte sortu berriari atxikitako Txotx! eta Baietz taldeak bildu ditu beste hamaika nazio eta kulturetako musika eta dantza taldeekin batera bere musika eta folklore programaren barnean.

Laboka, xirula eta beste euskal musika tresna tradizionalak jo eta erakusten dituen Baietz taldeak zuzenean jotako musika Txotx! taldeko dantzariek dantzatu dute, izan ere, Euskal Herriko bazter guztiak baitaratu dituen selekzio bat eginez, tradizionala zein modernoa bilduz, euskarak euskal kulturan duen leku zebtrala agerian utziz. Eskainitako dantzen artean aipa daitezke 'Hirugarren Martxa', 'Altsasuko Inauteria', 'Lantzeko Inauteria', 'Agurra', 'Txakolin', 'Godalet Dantza', 'Lur Zaharra', 'Akelarre' eta 'Txilibrinen jota eta porrusalda'.

Hau guztia adieraziz Gerorak EuskalKultura.com-en erredakziora helarazitako oharrak gogora ekartzen du elkarteak antolatzen dituen dantza tailerrek "dantzaren rol soziala daukate(la) kontutan, eta helburu hori lortzearren ari gara lanean aspaldidanik, gaur egun hori dantza talde ditugula: haurrena, ertainena eta helduena". "Uspallata 115 helbidean zain gauzkazu dantza egiteko: asteazkenetan iluntzeko zortzietan, eta larunbatetan arratsaldeko hiruretan", amaitzen du idazkiak.