Joseba Sarrionandiaren “Moroak gara behelaino artean?”en bertsio katalana bihar aurkeztuko da Bartzelonan
Bihar aurkeztuko da Bartzelonan "Som com moros dins la boira?", Joseba Sarrionandia idazle iurretarraren "Moroak gara behelaino artean?" saiakeraren katalanezko bertsioa, Pol·len argitaletxe katalana argitaldari. Saiakerak Literaturako Euskadi saria lortu zuen 2011ean eta Pol·leni argitaletxekoei interesgarria iruditu zitzaien lana katalanera itzultzea. Aurkezpena bihar larunbata egingo da, Bartzelonako Centre de Cultura Contemporània-n (CCCB).
“An Enduring Legacy: The Story of Basques in Idaho” liburua gaztelaniaz doan pdf formatoan eskuragarri
Henar Chico blogari boisetarrari esker jakin ahal izan dugu sarean eskuragarri dela "Un legado que perdura: la historia de los vascos de Idaho" liburua. Doan eta pdf formatoan deskarga daiteke Eusko Jaurlaritzaren webgunetik. Liburua Boiseko Mark eta John Bieter anaien "An Enduring Legacy: The Story of Basques in Idaho” lanaren itzulpena da. Bertan Bietertarrek Idahoko euskaldunen azken hiru belaunaldien historiaren berri ematen dute, AEBetako estatu honetara heldu ziren aurreneko euskal artzainetatik hasi eta gaur egungo estatuko komunitate sendoenera heldu arte.
Euskaldunek Kubako Independentzia gudetan izan zuten papera jorratzen du "Patria y Libertad" liburuak
"Patria y Libertad" liburuan lau historialarik --bi euskaldun, bi kubatar-- Kubako Independentzia Gudetan (1868-1898) euskaldunek izan zuren partehartzea aztertzen dute. Alexander Ugalde historialaria izan da lanaren koordinatzailea eta egileetako bat. Euskaldunak partaide izan ziren borrokan, batzuek independentziaren alde, beste batzuek Espainiaren alde eta beste batzuek Estatu Batuetako parte bihurtzearen aldeko. Liburuak ikuspuntu desberdin hauek aztertzen ditu, eta baita ere gerraren berriek Euskal Herrian izan zuten oihartzuna eta eragina.
EuskalKultura.com-ek "Euskera para dummies" liburuaren bost ale zozketatuko ditu irakurleen artean
Editorial Para Dummies argitaletxeari esker, EuskalKultura.com-ek "Euskera para dummies" liburuaren bost ale zozketatuko ditu uztailaren 31ean eta irailaren 5ean. "Euskera para dummies" oinarrizko euskara eta euskarazko esaldi erabilgarriak ikasteko gida azkarra da gaztelania abiapuntu. Ez da berez hizkuntza ikasteko metodoa, baina irakurleek eguneroko egoeretan elkarrizketa sinpleak mantentzeko adina ikasiko dute. Liburua 2009an Frantzian argitaratu zen "Basque pour les nuls" (Euskara zozoentzat) lanaren itzulpena da. Jean Baptiste Cuyos euskaltzaina eta Jasone Salaberria izan ziren egileak. Ale bat nahi al duzu edo norbaiti oparitu? Lagun bat harpidetzea (aurretik bere onespena lortuz) eskatzen dizugu. Gure buletina jasotzea harentzat mesede, eta liburu bana lortzen baduzue, pagotxa osoa! Sartu zozketan!
Badator Durangoko Azoka 2011: liburuak, diskoak eta 200 ekitalditik gora abenduaren 4tik 8ra
Hasi dira jada standak prestatzen Durangoko Landako gunean, Euskal Disko eta Liburu Azokaren 46. edizioari hasiera emateko datorren abenduaren 4ean. Bost egunetan zehar Durango Euskal Herriko euskaltzaleen bilgune izango da eta bertan aurkeztuko dira euskal liburugintza eta musika arloko azken nobedadeak: orotara 313 liburu, 63 disko, 23 aldizkari, 9 bideo, 15 liburu elektroniko eta 11 bestelako argitalpen. Kanpoan direnek ere jarraitu ahal izango dute azoka, izan webgunearen bitartez, sare sozialetan edota 'Kulturize' izeneko telefono mugikorrentzako aplikazioaren bitartez.
Juan de Garay Fundazioaren 'Los Vascos en la Argentina' liburuaren 4. edizioa salgai abendutik aurrera
2009aren amaieran hasi ziren Juan de Garay Fundazioko kideak datu berriak biltzen 'Los Vascos en la Argentina. Familias y protagonismo' (Euskaldunak Argentinan. Familiak eta protagonismoa) liburuaren laugarren edizioa osatu ahal izateko. Bi urtetako bilaketa bukatu dute dagoeneko eta laster eskuratu ahal izango da Argentinako hogeita lau mila abizen euskaldun biltzen dituen lan hau. Laugarren edizio honek material osagarria dakar CD batean.
Jon Arretxe eta Fernando Morillo euskal idazleak Frankfurteko Liburu Azokan izango dira bihar eta etzi
Gaur bertan abiatuko da Frankfurteko Nazioarteko Liburu Azokaren 2011eko edizioa, eta urtero legez euskal liburugintzak lekua izango du bertan, Eusko Jaurlaritzak eta Etxepare Institutuak sustatzen duten standaren bidez. Bertan izango dira Euskal Editoreen Elkartea eta Euskadiko Editoreen Elkartea, euskal liburuen nazioarteko presentzia indartzeko helburuarekin. Horrez gain, eta euskal literaturgintzaren ikuspegi orokorra emateko, bertan izango dira bihar eta etzi Jon Arretxe eta Fernando Morillo idazleak ere. Etzi euskal literaturari buruzko solasaldi batean parte hartuko dute, Etxepare Institutuko Mari Jose Olaziregirekin batera.
Angeles de Dios Altuna, Argentinara etorritako euskaldunen istorioak kontatzeko ardura hartutakoa
Angeles de Dios Altuna de Martina, Chubut probintzia argentinarreko Comodoro Rivadavia-n jaio zen, Patagonian, hegoaldean. Bizitzak Argentinako beste leku batzuetara bizitzera bultzatu zuen eta 22 urterekin Resistencia hirian kokatu zen, Chaco probintzian, iparraldean. Hurbiletik ezagutu zuen Angelesek immigranteen errealitatea. Denboraren poderioz, gai horixe ikergai bihurtu zuen 'gizarte lana' ikasi zuen idazle honentzat eta azken hamarkadan sei liburu argitaratu ditu gaiaz. Kanpotik Argentinara etorri eta bertan bizi eta lan egin zuten makina bat etorkinen istorioak ikertu eta konpartitu ditu, Chacon bizi den idazleak, bere irakurleekin.
Bazko astelehena denez, Sarako Idazleen Biltzar eguna da gaur, EuskalKultura.com bertan dela
Bazko astelehena da gaur, jai eguna, eta urtero bezala Sarako (Lapurdi) herria euskal idazleen, irakurleen eta, oro har, kulturzaleen elkarretaratze gune bilakatuko da egun osoan, goizeko hamarretatik aurrera, Sarako Idazleen Biltzarraren 28. edizioa gauzaturik. Bereziki Ipar Euskal Herrian hondarreko urtean atera diren liburu eta disko emaitzak bildurik ezagutu nahi dituenak, Saran dauka aukera ona. Azken urteotako ohiturari segituz, EuskalKultura.com ere bertan izango da, bere stand-arekin, euskal diasporaren lekukotasuna emanez azokara hurbilduko duren guztiei. Agurtzen gaituzten irakurleei saritxo bat emango diegu.
Andrea Moch artista, kulturzale eta feministaz liburua aurkeztuko du Angeles de Martinak Buenos Airesen
Duela ehun bat urte Argentinan aritu zen Andrea Moch artista, kultura eragile eta feministaz idatzi duen liburua aurkeztuko du datorren asteko larunbatean, Buenos Airesko Liburu Azokaren baitan, Angeles de Martina euskal jatorriko idazle eta ikertzaileak. 'Andrea Moch, andanzas de una artista' du izena liburuak. Moch paristarra zen jatorriz eta 1908an etorri zen Argentinara. Oso aktiboa izan zen kultura eta gizarte mailako mugimenduetan eta euskaldun batekin, Jose Rufo de Uriarte, 'La Baskonia' aldizkari euskaltzaleko fundatzaileetakoarekin maitemindu zen. Baita Euskal Herriarekin ere. Bere engaiamenduen lekukotasuna ematen du bere biziak, euskara eta euskaldunekin zein ezkerrarekin eta feminismoarekin.
