Etxepare Institutuak arte plastikoak, musika eta arte eszenikoak zabaltzeko diru-laguntzen deialdia argitaratu du
Etxepare Institutuak ireki du jada arte plastikoak, musika eta arte eszenikoak zabaltzeko 2013ko diru-laguntzak eskatzeko epea. Laguntza horiek euskararen eremutik kanpo birak eta emanaldiak egingo dituzten talde eta artistei zuzenduak dira eta bidaien eta antolakuntza edo muntaien gastuei aurre egiteko baliatu ahalko dira. Artikulu honen bitartez EuskalKultura.com-en gonbitea luzatu nahi diegu atzerrian bira antolatzen diren taldeei emanaldiak egin ditzaten euskal etxeetan ere. Horretarako, taldeei zein euskal elkarteei iruzkinen atalean euren proposamena idazteko eta harremanetan jartzeko tartea eskaini nahi diegu.
Antso Jakituna Fundazioaren bekak euskal unibertsitarientzat euskal gaiak landuz
Euskal Herriari buruzko ikerketak egiteko Antso Jakituna Fundazioak urtero ematen dituen bekak eskuratzeko deialdia zabalik da. Bekak Euskal Herriko edozein unibertsitatean matrikulatutako ikasleei zuzenduta daude eta euskal gaiei buruzko ikerketa bultzatzea dute helburu. Fundazioak 600 euroko bi beka banatuko ditu eta lanak uztailaren 31 baino lehen aurkeztu beharko dira. 25 orrialdeko luzera beharko dute izan gehienez. Aurreko edizioetako saritutakoen artean izan da euskal diasporari lotutako gai irabazlerik.
EKEk gaurko musika eta irudiari buruzko proiektu bat diruz lagunduko du; Diasporak ere parte har dezake
Euskal Kultur Erakundeak sorkuntza sustatzeko Hogei'ta egitasmoaren barruan deialdi berria egin du: kasu honetan, musika eta irudia erabiliz euskal kultura eta euskara berrintepretatzen duen proiektu batlagunduko du elkarteak, gehienez 13.000 euroz. Deialdian EKEk Iparraldeko zein Hegoaldeko kultur erakunde ezagunen sostengua du. Euskal Herriko, Diasporako zein nazioarteko artistek parte har dezakete, EKEk EuskalKultura.com-i baieztatu dionez. Proposamenak euskaraz, frantsesez, gaztelaniaz edo ingelesez bidal daitezke. Hautagaitzak aurkezteko epea apirilaren 30ean amaituko da.
Egun gutxi gelditzen dira euskal etxeentzako eta Diasporan egoera larrian daudenentzako laguntzak eskatzeko
Gure irakurleei gogorarazi nahi diegu oraindik garaiz direla 2013 urterako euskal etxeentzako laguntzak eskatzeko, eta baita ere tarte berean Diasporan egoera larrian dauden pertsonentzako laguntzak eskatzeko. Bi deialdien eskabideak aurkezteko epea hil honen bukaeran itxiko da, otsailaren 28an, zehazki. Jarraian deialdiei buruzko informazio gehiago eta eskabideak aurkezteko beharrezkoak diren imprimakien loturak bildu ditugu.
Euskal Kultur Erakundeak idazleentzako egonaldi-bekaren 2013ko edizioa deitu du
Hirugarren aldikoz, Iparraldeko Euskal Kultur Erakundeak (EKE), CPIE Euskal Itsasbazterrak eta Euskal Idazleen Elkarteak (EIE) beren baliabideak eta gaitasunak bateratzen dituzte gazte literatura egonaldi baten antolatzeko 2013an, Abbadia Eremuan, Hendaian. Egonaldia euskal idazle guztiei zuzendua da eta hilabete luzatuko da, 2013ko urriaren 7etik azaroaren 3a arte. Hautagaitzak aurkezteko epea: 2013ko apirilaren 30a.
Boisen Ingeniaritza Elektronikoan doktoretza egiteko bi beka eskaintzen dizkie BSUk euskal ikasleei
Boise State University-k euskal ikasleei zuzenduriko Basque PHD Scholarships izeneko beka deialdi berri bat egin du, unibertsitateko Euskal Ikasketa Programaren eta Idahoko euskal komunitatearen babesarekin. Bekak jasotzen dituztenek doktoretza egin ahal izango dute Boiseko Ingeniaritza eta Elektronika sail ospetsuan. Bekek matrikula osotasunean ordainduko dute eta, horrez gain, ikasleek 18.000 eta 24.000 dolar bitarteko diru-laguntza jasoko dute ostatu eta gastuetarako. Eskabideak martxoaren 15a baino lehen aurkeztu behar dira.
Atzerrian egoera larrian dauden pertsonentzako laguntzak eskatzeko epea ireki du Eusko Jaurlaritzak
Eusko Jaurlaritzak joan den abenduaren 28an argitaratu du Euskal Herriko Agintaritzaren Aldizkarian 2013 urteko atzerrian egoera larrian edo asistentzia faltan dauden pertsonentzako laguntzen deialdia. Aurtengo deialdirako zuzkidura orotara 202.000 eurotakoa izango da eta eskabideak aurkezteko epea otsailaren 28an bukatuko da.
2013ko Euskal Etxeentzako dirulaguntza deialdiaren edukia adierazi du Jaurlaritzak
Datorren urteko Euskal Etxeentzako dirulaguntzen deialdia abenduaren 21ean argitaratuko da ofizialki Euskal Herriko Agintaritzaren Aldizkarian (EHAA), baina Euskal Herritar eta Gizataldeentzako Zuzendaritzak edukiak sarean jarri ditu, Euskadi.net/euskaldunak webgunean eta Euskaletxeak.net atariaren bitartez, adierazi dute aipatu Zuzendaritzatik. Eskabideak aurkezteko epea otsailaren 28an amaituko da.
Euskal Etxeak egoera larrian dituzten kideei laguntzeko dirulaguntzak ebatzi ditu Eusko Jaurlaritzak
Jaurlaritzako Kanpo Harremanetarako Idazkaritza Nagusiak eta Kanpoan dauden Euskal Herritar eta Gizataldeentzako Zuzendaritzak jakitera eman dute euskal etxeetan asistentzia faltan eta egoera larrian dauden euskal gizataldeetako partaideentzako 2012ko dirulaguntzen onuradunen berri. Ebazpena datozen egunetan emango du argitara Euskal Herriko Agintaritzaren Aldizkariak (EHAA) eta orduantxe izango du izaera ofiziala eta abiatuko dira eta sartuko indarrean, markatzen diren nuerri eta baldintzak. Behin-behineko onuradunen zerrendak 62 norbanako eta familia biltzen ditu Argentinako 18 etxetakoak, Kolonbiako 2koak, Txileko 2koak, Uruguaiko 2koak eta Venezuelako beste bikoak.
Atzerrian kultur jarduerak egiteko laguntzak eskatzeko bigarren epea ireki du Etxeparek; iraila arte
Etxepare Euskal Institutuak euskal kultura kanpoan zabaltzeko aurtengo diru-laguntzen bigarren eta azken epea ireki zuen astelehenean. Laguntza hauek euskararen eremu geografikotik kanpo urtean zehar egin edo egingo diren jarduerak babestuko dituzte. Deialdi honetara aurkez daitezkeen jarduerak honakoak izango dira: arte plastiko eta ikusizkoak, musika, arte eszenikoak eta literatura. Eskabideak aurkezteko epea datorren irailaren 14ean itxiko da.
