'Far Westeko Euskal Ahotsak' aztergai gaur Huheziren Literatura Egunean; jarrai ezazu zuzenean internet bidez

'Far Westeko Euskal Ahotsak' aztergai gaur Huheziren Literatura Egunean; jarrai ezazu zuzenean internet bidez

2010/11/11

Mondragon Unibertsitatearen Humanitate eta Hezkuntza Zientzien Fakultateak (Huhezi) antolatuta, Literatura Eguna egingo dute gaur Eskoriatzan. Euskaldunek AEBetako Mendebaldean sortutako literatura aztarnak dira topaketaren gaia eta besteak beste, Gloria Totoricagüena boisetarra; Frank Bergon idazle euskalamerikarra eta Miel Anjel Elustondo bezalako adituak izango dira bertan, Bernardo Atxaga idazlearekin batera. Musikarik ere izango da: 'Amuma Says No' talde idahotarrak skype bidez emango du kontzertua eta Audience gernikarrak zuzenean ariko dira. Bertan izan nahiko zenukeela? Mondragon Unibertsitateko telebista bidez, 9:30etatik aurrera zuzenean ikus dezakezu interneten.

Gehiago Irakurri…

Miren Arzalluz: "Nazioartean Balenciagaren benetako dimentsioa argiago dute hemen baino"

Miren Arzalluz: "Nazioartean Balenciagaren benetako dimentsioa argiago dute hemen baino"

2010/11/08

"Batzuk Getariako jostun bat izan zela baino ez dakite Euskal Herrian", dio Balenciagaren biografia idatzi berri duen Miren Arzalluz moda historialari eta adituak. Londresen moda ikasketak egiten ari zela Arzalluzek bazekien ikaskideek miresten zuten maixu hura euskalduna zela, eta maitasun berezia hartu zion. Balenciagaren lanari buruzko aditu nagusienetakoa egun, 1937ean Pariseko modan iraultza lasaia sortu zuen maixuaren Getariako urteak ekarri ditu argitara 'Cristobal Balenciaga' liburuan.

Gehiago Irakurri…

Mar del Platara bidaiatuko da Aizpea Goenaga, Etxepare Institutuaren egoitza inauguraturik Donostian

Mar del Platara bidaiatuko da Aizpea Goenaga, Etxepare Institutuaren egoitza inauguraturik Donostian

2010/11/02

Etxepare Euskal Institutuak Donostiako Prim kaleko egoitzako ateak ireki zituen ostiralean, euskal kultura munduratzeko erronkari ekiteko prest. Aizpea Goenagak, Institutuaren zuzendariak, erakundeak euskal kultur produkzioa ezagutzera emateko zubilana egin nahi duela azaldu zuen. Etxeparek Kataluniako Ramon Llull eta Espainiako Cervantes Institutuarekin hitzarmenak sinatuko ditu aurki eta munduko hainbat unibertsitatetan euskara irakurle programak indartzen eta sustatzen dihardu. Aste honetan Goenaga Argentinako Euskal Astean izango da, Diasporarekin ere harremanak sendotzeko asmoz.

Gehiago Irakurri…

Edorta Jimenez idazleak 'Haragizkoa' CDa aurkeztuko du Kuban: "Krisian dago kulturaren zabalkuntza"

Edorta Jimenez idazleak 'Haragizkoa' CDa aurkeztuko du Kuban: "Krisian dago kulturaren zabalkuntza"

2010/11/02

Atzerrian sarri ibilia da liburuak aurkezten eta horrela jarraitzeko asmoa du: Frankfurten izan berria da, Kubara doa hurrena eta Berlinera gero. Hala ere, euskal artista askok bezala etxetik kanpo egiten dituen irakurraldi eta hitzaldi hauek "adiskidetasun sare" bati esker egin ahal dituela dio. Kulturaren zabalkuntza profesionala, Euskal Herrian zein kanpoan, krisian ei dago. Horregatik 'Haragizkoak' CD berria autoproduzitu eta datozen hilabeteetan poesia, musika eta irudi ikuskizun hau ahal bezainbeste agertokitan "defendatuko" du. Estrainekoz, Kuban. Adiskidetasunaren bideak urrunera heltzen direlako.

Gehiago Irakurri…

Bat egin munduko euskaldunekin eta parte har ezazu EuskalKultura.com-en facebook orrian

Bat egin munduko euskaldunekin eta parte har ezazu EuskalKultura.com-en facebook orrian

2010/10/29

Gero eta gehiago dira Facebook bezalako sarean bere txokoa sortzen duten euskal etxea eta munduko zein Euskal Herriko euskaldunak. Londres, Berlin, Bordele, Arrecifes, Buenos Aireseko Iparraldeko Euskal Etxea eta Euskaltzaleak, Chivilcoy, Salto, San Nicolas, Villa Maria... dira horietako batzuk eta ehundaka euskaldun anonimo eta ez hain anonimoekin batera EuskalKultura.com-ek facebook-en osatu duen lagun sarearen parte dira. bat egin gurekin eta parte har ezazu zure argazki, iruzkin, hitzordu eta jardueren berriekin. Lotsarik ez, EuskalKultura.com denon artean egiten dugu eta!

Gehiago Irakurri…

Peruko kazetaritzaren erreferente izan den Paco Igartua euskaldunari buruzko liburua argitaratu dute Liman

Peruko kazetaritzaren erreferente izan den Paco Igartua euskaldunari buruzko liburua argitaratu dute Liman

2010/10/28

Alfredo Bryce Echenique idazlea bezalako perutar idazle eta intelektualek Paco Igartua (1923-2004) kazetariaren profila osatzen dute 'Francisco Igartua, Oiga y una pasión quijotesca' liburuan. Jhon Bazar Aguilar-ek bildu ditu testuak, horien bidez kazetari kritiko eta borrokalariari omenaldia eginez. Igartua Oiga aldizkariaren sortzaile eta zuzendaria izan zen eta Peruko gobernuekin jarrera oso kritikoa izan zuen, eta horrek gartzela eta erbesteratzea ekarri zizkion.

Gehiago Irakurri…

Hamaika Bidek erbesteari buruzko XI. Nazioarteko Mintegia egingo du Bilbon eta Donostian azaroaren 10etik 12ra

Hamaika Bidek erbesteari buruzko XI. Nazioarteko Mintegia egingo du Bilbon eta Donostian azaroaren 10etik 12ra

2010/10/27

Hamaika Bide Elkarteak Bilbon eta Donostian egingo du, azaroaren 10etik 12ra, erbesteari buruzko Nazioarteko Mintegiaren edizio berria. Aurtengoan mintegiaren gaia 'Integrazioa eta nortasuna gordetzearen bideak' da. Topaketan parte hartuko dute, besteak beste, Cesar Arrondo euskal argentinarrak (Mar del Platako Unibertsitatea) eta Xabier Irujo, Renoko Unibertsitatekoa (AEB). Horrez gain, Hamaika Bidek bere webgunean eduki berriak plazaratu dituela eman du jakitera.

Gehiago Irakurri…

ETBk EuskalKultura.com-i buruzko erreportaia emango du gaurtik aurrera bere kateetan eta interneten

ETBk EuskalKultura.com-i buruzko erreportaia emango du gaurtik aurrera bere kateetan eta interneten

2010/10/27

ETBko 'Nick dut nik' saioak EuskalKultura.com-i buruzko erreportaia labur bat eskainiko du gaur bertan eta datozen egunetan telebistan eta interneten. Joseba Etxarri EuskalKultura.com-eko zuzendariari eginiko elkarrizketa hainbat aldiz ikusi ahal izango da: ETB3-n euskaraz, ETB2-n gazteleraz, eta Canal Vascon Diasporako euskaldunentzako. Horrez gain saioaren webgunean ere sareratuko dute.

Gehiago Irakurri…

Ordiziako Udalak eta Victor Mendizabal Fundazioak azken izen honetako I. Ikerketa beka deitu dute

Ordiziako Udalak eta Victor Mendizabal Fundazioak azken izen honetako I. Ikerketa beka deitu dute

2010/10/26

Ordiziako Udaleko Kultura Sailak eta Victor Mendizabal Fundazioak Ordiziari buruzko ikerketak sustatzeko helburuarekin deitu dute beka hau. Ikerketa burutzeko 7.000 euro eta hamabi hilabeteko epea izango du irabazleak. Proposamenak aurkezteko epera abenduaren 1ean bukatzen da. Victor Mendizabal Gorostizu ordiziarra Argentinako euskal komunitateko kide izan zen eta hezkuntza arloko ekimen ugari bultzatu zituen XX. mende hasieran.

Gehiago Irakurri…

Paul Ygartua, Kanadatik Gorlizera: "Euskaldunen harrotasuna erakutsi nahi dut, irudi moderno batekin"

Paul Ygartua, Kanadatik Gorlizera: "Euskaldunen harrotasuna erakutsi nahi dut, irudi moderno batekin"

2010/10/22

Paul Ygartua margolariak tamaina handiko mural bat margotu zuen joan den abuztuan Gorliz herri bizkaitarrean. Liverpool-en jaio eta Kanadako Vancouver hiriko bizilagun, Ygartua herriko familia baten ondokoa da eta urtero udan bertara bueltatzen da, lehen gurasoekin eta gaur egun seme-alaba eta bilobekin. "Nire aitak bere kultura guri transmititzeko ahal zuen guztia egin zuen eta bere euskaldun izatearen harrotasunak marka utzi zuen niregan. Orain energia hori datozen belaunaldiei pasatzea nire betebehartzat hartu dut", adierazi dio EuskalKultura.com-i.

Gehiago Irakurri…


bisita