EHUko irakasle Olatz Gonzalezen 'Carmen' filmak Amerikar Elkarte Antropologikoaren saria eskuratu du

EHUko irakasle Olatz Gonzalezen 'Carmen' filmak Amerikar Elkarte Antropologikoaren saria eskuratu du

2012/10/19

Lau minutuko film labur antropologikoa da 'Carmen' eta Bizkaian bizirik dirauen 'Santiritu' izeneko sendatzeko errituala azaltzen du. Filmaren protagonista Carmen, Gamiz-eko emakume bat, da eta teknika honen bitartez bihurdurak edo zaintiratuak sendatzen ditu. Olatz Gonzalez Abrisketa EHUko Antropologia irakasleak egin du filma eta azaroaren 16ean San Frantziskon American Anthropological Association (AAA) elkarteko Society for Visual Anthropology sailaren film laburren saria jasoko du. Gonzalez Abrisketak pilotari buruzko liburua argitaratu zuen 2006ean eta egun gai honi buruzko dokumental antropologikoa ari da egiten.

Gehiago Irakurri…

Euskal zine eta musikari New Yorken ateak irekiz amaitu da Etxepareren 'Basque Cultural Exchange'

Euskal zine eta musikari New Yorken ateak irekiz amaitu da Etxepareren 'Basque Cultural Exchange'

2012/10/15

Mikel Laboaren musikarekin bukatu zen larunbatean New Yorken Etxepare Euskal Institutuaren "Basque Cultural Exchange" egitasmoa. Mikel Markez eta Eñaut Elorrieta kantariek, Laboaren "Baga, biga, higa" kantua oinarri hartuta, euskal musikagintzaren historiari buruzko kontzertu multimedia eskaini zuten New Yorkeko Cervantes Institutuan. Iragan urriaren 1etik hona, hiri estatubatuarrean euskal zinea, artea eta kulturari buruzko hainbat hitzaldi, emanaldi eta mahainguru egin ditu Etxeparek, eta harrerarekin pozik agertu dira euskal institutuko arduradunak. Aizpea Goenaga Etxepareko zuzendariak azaldu duenez jardunaldietan izan diren hainbat ikusleentzat "gure errealitatearekin sekula izan duten lehen kontaktua izan da. Zabalkunde mailan egiten ari garen ahalaginean oso interesgarria da hori guretzat”.

Gehiago Irakurri…

Eider Rodriguezen 'Katu Jendea' itzuliko dute Paueko Unibertsitateko lantegi batean, hilaren 16tik 18ra

Eider Rodriguezen 'Katu Jendea' itzuliko dute Paueko Unibertsitateko lantegi batean, hilaren 16tik 18ra

2012/10/11

EIZIE Euskal Itzultzaile, Zuzentzaile eta Interpreteen Elkarteak, Paueko Unibertsitateak eta Etxepare Euskal Institutuak itzulpengintza lantegia egingo dute Pauen datorren asteartetik ostegunera. Tailerrean Eider Rodriguez idazlearen 'Katu jendea' narrazioaren itzulpenak egingo dituzte --frantsesera, neerlanderara eta alemanerara- eta azken egunean irakurraldi publiko batean aurkeztuko dituzte Paueko Gazteluan. Ekitaldi horretan izango dira, besteak beste, Mari Jose Olaziregi Etxepare Euskal Institutuko Euskara zuzendaria eta Paueko Unibertsitateko zenbait ordezkari.

Gehiago Irakurri…

Napoka Iria euskal taldeak kontzertua emango du Polonian, Poznango "República Femenina" jaialdian

Napoka Iria euskal taldeak kontzertua emango du Polonian, Poznango "República Femenina" jaialdian

2012/10/10

Larunbatean abiatuko da Poznanen "República Femenina" (sic) izeneko jaialdiaren hirugarren edizioa, eta hiriak hainbat lantegi, hitzaldi eta kontzertu hartuko ditu hilaren 21a bitartean. Aurtengo egitarauan Euskal Herriak leku zabala izango du, Katalunia, Andaluzia eta Mexikorekin batera. Hilaren 16ean Napoka Iria bikoteak kontzertua emango eta 18an Amaia Donés Poznango Adam Mickiewicz Unibertsitateko euskara irakurleak “Euskal kultura emakumeen ikuspuntutik” hitzaldia eskainiko du.

Gehiago Irakurri…

Etxepareren Basque Cultural Exchange programak euskal zinemarekiko jakinmina piztu zuen New Yorken

Etxepareren Basque Cultural Exchange programak euskal zinemarekiko jakinmina piztu zuen New Yorken

2012/10/08

Euskal kulturak, zinemak eta historiak aparteko lekua izan dute egunotan New Yorken, Etxepare Euskal Institutuak antolatu duen "Basque Cultural Exchange-Fall 2012" programari esker. Hasteko, urriaren 1etik 5era Josean Fernandez Euskadiko Filmategiko zuzendariak euskal zinemari buruzko ikastaroa eman zuen City University of New York-eko Bernardo Atxaga katedran. Horrez gain, Imanol Uribe zuzendariak bi luzemetraia aurkeztu zituen eta atzo zinea eta guda zibilari buruzko zikloa jarri zen abian. Ekitaldiek astean zehar jarraituko dute.

Gehiago Irakurri…

Abiada hartzen ari da New Yorken "Basque Cultural Exchange" ekimena, euskal kulturaren erakuslehio

Abiada hartzen ari da New Yorken "Basque Cultural Exchange" ekimena, euskal kulturaren erakuslehio

2012/10/03

Urriaren lehenetik, aurrera ari da New Yorken "Basque Cultural Exchange", Etxeorratzen Hiriko publikoari Euskal Herria eta bere kultura garaikidearen ekarpenen haritik elkarrekin zenbait gogoeta egitea proposatzen dion ekimena, Etxepare Euskal Institutua antolatzaile eta kultur erakunde honek iaz New Yorken estreinatu zuen Bernardo Atxaga katedraren eskutik. Astelehenean zabaldu zituen ateak katedraren aurtengo edizioak, ondoren mahai-ingurua egin zelarik "Gernika, revisited" gaiaz. Ekitaldiak urriaren 13ra arte segituko dute City University of New York-en (CUNY), New York University-n (NYU), Anthologhy Film Archives-en eta New Yorkeko Cervantes Institutuan. Gaur 'The Bombing of Gernika' erakusketa zabalduko dute.

Gehiago Irakurri…

GU Elkartea sortu berri dute Polonian, Euskal Herriarekiko kultur harremanak sustatu eta areagotzeko

GU Elkartea sortu berri dute Polonian, Euskal Herriarekiko kultur harremanak sustatu eta areagotzeko

2012/09/24

Euskaltzale talde batek elkarte berria sortu du Polonian, herrialde honen eta Euskal Herriaren arteko hartu-emanak laguntzeko asmoz. Polonian Euskal Herriarekiko eta euskal kulturarekiko interes handia dagoela diote, eta gauzak egiteko gogoa ere bai, baina horiek bideratzeko elkarte ezagatik ezerean gelditu izan direla sarri. Arazoari irtenbidea emateko, GU Elkartea sortu dute eta bertan parte hartu nahi duen orori euren Facebook-eko orriaren bidez harremanetan jartzeko gonbitea luzatzen diete.

Gehiago Irakurri…

Euskal kultura leiho bat zabalik New Yorken urriaren 1etik 13ra "Basque Cultural Exchange" jardunaldietan

Euskal kultura leiho bat zabalik New Yorken urriaren 1etik 13ra "Basque Cultural Exchange" jardunaldietan

2012/09/19

Etxepare Euskal Institutuaren eskutik, New York hiria "Basque Cultural Exchange" ekimenaren leku izango da urriaren 1etik 13ra bitartean, aukera emanez bertako biztanleei egitarauko film, mahai-inguru eta kontzertuak medio euskal kultur emaitza garaikideetara hurbiltzeko, aurten, Gernikako Bonbardaketaren 75. urteurrena gai gisa harturik. City University of New York-en (CUNY) egoitza duen Bernardo Atxaga katedrak aurten irakasle hautatu duen Joxean Fernandez Euskadiko Filmategiko zuzendaria izanik, ekimenak hainbat film emango ditu historiako pasadizo horren inguruan 'Gernika eta Espaniako Gerra Zibilia Euskal Herrian' izenburupean. Beste saio batzuk 'Euskal ikonoak munduan' eztabaidatuko edota euskal kantagintzaren historia aurkeztuko dituzte kontzertu multimedia batean, euskaraz, ingelesez eta gaztelaniaz.

Gehiago Irakurri…

Etxeparek euskal kulturari buruzko liburu saila jarri du sarean, doan, euskaraz, gaztelaniaz eta ingelesez

Etxeparek euskal kulturari buruzko liburu saila jarri du sarean, doan, euskaraz, gaztelaniaz eta ingelesez

2012/09/19

Euskal Kultura saila du izena bilduma honek eta atzo Donostian aurreneko hamar aleak aurkeztu zituen Etxepare Euskal Institutuak. Sailak jorratzen dituen gaiak euskara, euskal literatura, euskal musika klasikoa, euskal kantagintza, ikusizko arteak, euskal zinema, arkitektura eta diseinua, euskal dantza, bertsolaritza, tradizioak, euskal sukaldaritza eta antzerkia dira. Bildumaren helburua euskal kulturaren arlo hauek nazioartean zabaltzea da eta hirueletan plazaratu da: euskaraz, gaztelaniaz eta ingelesez. Eta gure irakurleentzako interesgarriena: doan deskargatu daitezke Etxepareren webgunetik.

Gehiago Irakurri…

Mikel Ezkerro bertako euskal historiaz mintzatu zen Chacabucon, Argentinan, aita Damaso Intza ere aipagai

Mikel Ezkerro bertako euskal historiaz mintzatu zen Chacabucon, Argentinan, aita Damaso Intza ere aipagai

Chacabucotik, Mikel Ezkerro, euskal-argentinar historiaz aditua den hitzaldi-emaileak joan den abuztuan Buenos Aires probintziako herri honetara egin zuen bisita eta hitzaldiaz mintzatu zaizkigu, Chacabucoko Peña Amigos de los Vascos delako kultur taldeak gonbidatuta iritsi baitzen Ezkerro bertara abuztuaren 20ean. Antolatzaileek harrera polita egin zioten, eta herriko tren geltokiaren aurrean daukaten egoitzara eraman zuten, hitzaldia eman eta aldi berean taldeko dantzariek eta abesbatzak euskal kantu eta dantzez ohora zezaten. Chacabucoko euskal istorioak aipatuta, Damaso Inza euskaltzain eta euskal idazlearen bertako istorio ere azaleratu zen, zenbait aldiz bisitatu baitzuen herria Txilen bizi zen artean 1936tik 1968ra bitartean, ahaideak baitzituen Chacabucon.

Gehiago Irakurri…


bisita