Atxagaren Unibertsora hurbildu dira egunotan ehundaka madrildar, Etxepareren programari esker

Atxagaren Unibertsora hurbildu dira egunotan ehundaka madrildar, Etxepareren programari esker

2013/03/27

Etxepare Euskal Institutak antolatuta, iragan martxoaren 20ean abiatu zen Madrilen "Atxagaren Unibertsoa" izeneko kultur egitaraua. Ekimenaren helburua Bernardo Atxaga idazlearen lanen atzerabegirakoa egitea da, "Obabakoak" eleberri ezagunaren 25. urteurrenaren karira. Atxaga egungo euskal idazlerik ezagunena da eta bere liburuak hainbat hizkuntzatara itzuliak izan dira. Madrilen egiten ari den egitarau honi esker idazlearen zaleak haren unibertsoan sakontzeko aukera paregabea dute, eta ekitaldiak harrera oso ona ari dira izaten. Apirilaren 7an amaituko da ziklo berezi hau.

Gehiago Irakurri…

Irudimenari eragiteko gogoa al duzu? Hartu soinu bat eta sortu artelana EKEk eta Azkuek abiatu duten lehiaketan

Irudimenari eragiteko gogoa al duzu? Hartu soinu bat eta sortu artelana EKEk eta Azkuek abiatu duten lehiaketan

2013/03/06

"Irudimena" lehiaketaren hirugarren edizio deitu dute Iparraldeko Euskal Erakundeak eta Azkue Fundazioak eta bertan parte hartzeko gonbitea luzatu diete Euskal Herriko zein Diasporako sortzaileei. Erronka polita proposatzen du lehiaketak: Euskal Herrriko soinumapatik hartutako zortzi soinu ematen dituzte aukeran eta, horietatik abiatuta, soinu berri bat, testu bat edo irudi bat sortu behar da. Lanak maiatzaren 15a baino lehenago bidali behar dira. Sariak Fnac dendetan gastatzeko diru-txekeak izango dira: 300 eurotakoak modalitate bakoitzeko lehenengo postuan suertatzen direnentzat; 200 eurotakoak bigarrenentzat eta 100 eurotakoak hirugarrenentzat.

Gehiago Irakurri…

Sei atalek osatuko dute ‘Euskara Jendea’ liburuan oinarritutako izen bereko dokumentala

Sei atalek osatuko dute ‘Euskara Jendea’ liburuan oinarritutako izen bereko dokumentala

2013/02/12

Juan Carlos Etxegoien ‘Xamar’en ‘Euskara Jendea’ liburuak euskal hizkuntzak eta kulturak izan duten ibilbide historikoa eta munduan duten presentzia aztertu zuen era didaktiko, ulerterraz eta atseginean. Testuak arrakasta handia lortu zuen Euskal Herrian eta –gaztelaniara itzulitako bertsioari esker- baita Hego Ameriketako Diasporan ere. Hori dela eta, beste urrats bat ematea erabaki zuen liburuaren egileak: Ibaizabal Mendebalde Kultur elkartea ekoizle eta Zenbat Gara kultur elkartearen laguntzarekin, ‘Euskara Jendea’ dokumental bihurtzeko bidean dago. Proiektuaren arduradunen esanetan, lana “ikusentzunezko esparruan zegoen hutsunea betetzera dator, lengoaia honek duen zabalpenerako dohaina baliatuz”. Dokumental sortak hainbat hizkuntzatako azpitituluak izango ditu eta urtea bukatu aurretik egongo da ikusgai.

Gehiago Irakurri…

ACE eta Upter, euskal kultura zabaltzen Erroman: Sarrionandia italieraz, irratsaioak euskaraz...

ACE eta Upter, euskal kultura zabaltzen Erroman: Sarrionandia italieraz, irratsaioak euskaraz...

2013/01/29

Erromako Associazione Culturale Euskara-k eta UPTER unibertsitateko Dipartimento di Lingua e Cultura Basca sailak gogotsu segitzen dute euskal kultura Italiako hiriburuan ezagutarazten. Bihar, esaterako, Joseba Sarrionandia idazlearen poemak irakurriko dituzte -italierara itzulita- Giufa liburudendako "Aperitivo Basco" deitzen duten hileroko hitzorduan. Horrez gain, bi elkarteek sarean jarri dituzte Radiodramma proiektuaren emaitzak.

Gehiago Irakurri…

Oscar Alvarez Gilak Ameriketarako euskal emigrazioa izan zuen hizpide Nafarroako Unibertsitatean

Oscar Alvarez Gilak Ameriketarako euskal emigrazioa izan zuen hizpide Nafarroako Unibertsitatean

2013/01/23

Oscar Alvarez Gila historialari eta Diasporan adituak hitzaldia eman zuen iragan urtarrilaren 17an Nafarroako Unibertsitatean. Gaia Ameriketarako euskal emigrazioa eta mugimendu horren inguruan egin zen legedia izan zen. Hitzaldia Nafarroako Unibertsitateko Euskal Hizkuntza eta Kultura Katedrak antolatu zuen. Aurten 50. urteurrena egiten du Katedrak eta hainbat ekitaldi ari da prestatzen urteurrena ospatzeko, Mari Mar Larraza zuzendariak EuskalKultura.com-i azaldu dionez.

Gehiago Irakurri…

Mixel Etxekopar, Xiberoko pastoral berriaz: "Zer da tradizioa, kutxa bat, betea baina itxia, edo ibiliz egiten den bidea?"

Mixel Etxekopar, Xiberoko pastoral berriaz: "Zer da tradizioa, kutxa bat, betea baina itxia, edo ibiliz egiten den bidea?"

2013/01/18

Xiberoko kulturgile eta gazte talde bat aurtengo pastorala ari da prestatzen jada, martxoan Gotainen aurkezteko asmoz. Bihar bertan Mustraka egingo dute Urdiñarben, aktoreak eta gaia aurkezteko. Ikuskizunak Euskal Herriko tzigano edo ijitoen historia azalduko du, eta 14 kantari gaztek antzeztuko dute. Hain zuzen ere, gazteen parte hartzea sustatzeaz eta pastoralaren moldeak berritzeaz mintzatu zaigu pastoralaren idazle den Mixel Etxekopar: "Gauza berriak egiten direnean gazteak saiatzen dira Xiberora itzultzen eta parte hartzen. Beti buruan dugun galdera da: zer da transmisioa? Zer ukitzen ahal dugu eta zer ez?".

Gehiago Irakurri…

Euskal-finlandiar elkarte batek aurreneko Euskara-Suomiera hiztegia aurkeztu du

Euskal-finlandiar elkarte batek aurreneko Euskara-Suomiera hiztegia aurkeztu du

2012/12/28

Suomitar elkarteak hil honetan aurkeztu du aurreneko Euskara-Suomi hiztegia, hamabi urtez proiektuan lanean jardun eta gero. Aurkezpenean elkarteko ordezkariek azaldu zutenez, kanpoko laguntzarik gabe osatu dute hiztegia, eta urte hauetan lantzean lantzean aritu dira hiztegia osatzen, kideen ekarpenekin. Elkartean nagusi dira euskal eta finlandiar bikoteak eta euren seme-alabak, eta hiztegia euren arteko komunikazio tresna oso lagungarria izatez gain, Europan gelditzen diren bi hizkuntza ez-indoeuropear bakarren arteko zubi ederra da.

Gehiago Irakurri…

Apirilean abiatuko da Frankfurteko Eduardo Chillida Katedra, Ana María Rabe irakasle gonbidatuarekin

Apirilean abiatuko da Frankfurteko Eduardo Chillida Katedra, Ana María Rabe irakasle gonbidatuarekin

2012/12/21

Etxepare Euskal Institutuak jakinarazi duenez Ana Maria Rabe izango da Frankfurteko Eduardo Chillida Katedraren aurreneko irakasle gonbidatua. Katedra apirilean irekiko da, Frankfurteko Goethe Universität delakoan. Rabe Arte irakaskuntzan esperientzia handiko irakaslea eta Eduardo Chillidaren obraren jakitun handia da. Katedrak Frankfurteko Goethe Unibertsitateko Artearen Historiaren Institutuan du egoitza, eta Frankfurteko Arteetako Liburutegiak berariazko atal batean bildu du artistari buruzko bibliografia osoa. Horri esker, Chillida Lekurekin batera, eta horrekin elkar hartuta, erreferente izango da Chillidaren obra ikertuko dutenentzat.

Gehiago Irakurri…

Bihar irekiko ditu ateak Durangoko Euskal Liburu eta Disko Azokaren 47. edizioak

Bihar irekiko ditu ateak Durangoko Euskal Liburu eta Disko Azokaren 47. edizioak

2012/12/05

Hotza dabil kalean, bai termometroei dagokionez eta baita ere euskal kultura munduaz ari garela, murrizketak direla eta. Horiei aurre egiteko ahaleginean, urtero legez Durangoko Azokaren berotasunera bilduko dira euskal idazle, musikari, editore, argitaletxe, diskoetxe eta euskaltzale asko eta asko, bihartik hasi eta datorren igandea bitartean. Aurten ere Diasporak bere lekutxoa izango du bertan, adibidez, Maiatz argitaletxeak plazaratu duen "Urruneko Mendebaldean Artzain" liburua.

Gehiago Irakurri…

Bragadoko Constantino Antzokiaren mendeurrenean, Kultur Gunea inauguratuko dute aste honetan

Bragadoko Constantino Antzokiaren mendeurrenean, Kultur Gunea inauguratuko dute aste honetan

2012/11/19

1912an inauguratu zen Argentinako Bragado herrian Florencio Constantino tenore ortuellarrak eraiki arazitako Antzokia. Musikariaren izen bera zeraman antzokiko tauletatik izen handiko artista eta obrak pasatu ziren urteetan zehar. Alabaina, isiltasun eta iluntasun garaiak ere jasan zituen Argentinako Antzoki garrantzitsuenetako bat izan zenak. Aurten, eta eraikinaren mendeurrenean, Florencio Constantino Aretoak, Kultur Gune bihurtuta, bere ateak irekiko dizkio berriz komunitateari eta Argentinako zein Euskal Herriko agintariek hartuko dute parte berrinaugurazio ekitaldietan. Ekintzak azaroaren 21tik 25ra luzatuko dira eta Argentinako presidente Cristina Fernandez ere bertaratuko da, bideokonferentzia bidez.

Gehiago Irakurri…


bisita