“Athleticen zoramena” azaltzera munduko txapelketara bildu da Mariann Váczi hungariarra

“Athleticen zoramena” azaltzera munduko txapelketara bildu da Mariann Váczi hungariarra

2010/06/24

Mariann Váczi antropologo hungariarra munduko txapelketara bildu da “Athleticen fenomenoa” azaltzera, Hego Afrikako East Londonen antolatu duten soziologia eta kirolari buruzko batzar batera. Bere curriculumean, euskara Iparraldeko hezkuntza sisteman gaiari buruzko landa-lan bat egin duela nabarmendu daiteke, besteak beste.

Gehiago Irakurri…

Diasporako realzaleek bat egin dute gipuzkoar jaiarekin: baita Bartzelonako Euskal Etxean ere

Diasporako realzaleek bat egin dute gipuzkoar jaiarekin: baita Bartzelonako Euskal Etxean ere

2010/06/15

Bertan bizi denak ez du erraza 'egitate futbolzaleari' ihes egitea: Gipuzkoak txuri-urdinez bizi ditu egunok, igandean, hiru urtez bigarrenean aritu ondoren, Realak Lehen Mailara igotzea lortu zuenetik. Jokalariek "maila gainditzeko %99,96ko aukera zuten", eta egoera eta kinka berezi horrek mundu osoko realzaleak telebista aurrean edo internetera konektatuta jarri zituen, "Realak berea duen kategoria" nola lortzen zuen entzun edo ikusteko. Arbitroak partidaren bukaera adierazi bezain pronto kalera atera ziren oraindik kalean ez zeuden realzaleak. Bartzelonako Euskal Etxean partida ikusi zutenek ere Kataluniako hiriburuko kaleetara zabaldu zituzten ospakizunak.

Gehiago Irakurri…

Diasporako realtzale ugarik segituko dute talde txuriurdina 'lehen mailara igoko duen partida' (ikus bideoa)

Diasporako realtzale ugarik segituko dute talde txuriurdina 'lehen mailara igoko duen partida' (ikus bideoa)

2010/06/11

Giroa Gipuzkoan gori-gorian dabil. Bertako taldea, Reala, Espainiako lehenengo dibisiora itzuliko da datorren igandean, Celta ekipoaren aurka jokatu behar duen partida berdindu edo irabazten badu. Hamar edo ehun milaka dira partida noiz amaituko zain dauden realtzaleak, eta baita realtzaleak ez direnak ere, puntu hori lortzea oro har euskal futbolaren eta euskaldunen aurrerapentzat hartuko bailitzateke. Gipuzkoa eta Euskal Herritik ezezik, partida kanpoko hamaika lekutatik ere segituko da, tartean zenbait euskal etxetatik. Estatu Batuak, Mexiko, Venezuela, Australia, Txile, Argentina eta Ingalaterra bezalako herrialdeetatik zaleak Anoetara begira egongo dira. Espainiako estatuko euskal etxeetan ere partida elkarrekin telebistaz edo irratiz segitzeko deiak egin dira, hala nola Bartzelonan eta Madrilen; eta antzeko biltzeak emango dira Murtzia, Valladolid, Salou eta realtzaleek dagoeneko txanpaina freskatzen ipini duten beste hainbat lekutan (ikus bideoa).

Gehiago Irakurri…

Gaur hasiko da 2010 Futboleko Mundu Txapelketa: bertan arituko diren jokalarien euskal selekzioa egin dugu

Gaur hasiko da 2010 Futboleko Mundu Txapelketa: bertan arituko diren jokalarien euskal selekzioa egin dugu

2010/06/11

Gaur hasiko da Hegoafrikan 2010eko Futbol Mundu Txapelketa. Hilabete batez jende askok munduan, parentesia zabalduko du bere bizitzan, eguneroko arazo askotan larriez ahaztu eta norgehiagoka honetan murgiltzeko. Denbora asko pasatuko dute pantailari begira, maiz samar loari ere orduak kenduz, maiteago duten selekzioaren ibilbidea eta txapelketa oro har segitzearren. Txapelketan ez du euskal selekzio batek jokatuko, baina Venezuelako geure lagun Pedro Arriagak, euskal selekzio berezi bat osatu du Caracasko Euko Etxetik, Hegoafrikan bateko eta besteko selekzioetako parte arituko diren euskal jokalariekin.

Gehiago Irakurri…

Athletic-en Kubako Peñak giro ezin hobean ospatu du bere lehen urteurrena, Biltzarra eta bazkariaz

Athletic-en Kubako Peñak giro ezin hobean ospatu du bere lehen urteurrena, Biltzarra eta bazkariaz

2010/05/28

Atletic-en Kubako Peñak joan den larunbatean, maiatzaren 22an, ospatu zuen sortu zeneko lehen urteurrena, izan ere bere bazkideen Biltzar Nagusia eginez eta ondoren oso giro atsegineko lagunarteko bazkaria gauzatuz. Txurigorrien sostengu talde kubatarrak 32 bazkide arrunt dauzka, kubatarrak edota euskal egoiliarrak eurak, eta beste 48 ohorezko bazkideren laguntza biltzen du Euskal Herritik. Peñaren lehenengo urtebetzearekin bat antolatutako Biltzarrean, aurreneko urte honetan egindako ibilbidea gainbegiratu eta hamabi hilabeteok eman dutena aztertu zuen txostena irakurri zuen lanean nekaezin ibili den Astigarraga elkarteko idazkariak.

Gehiago Irakurri…

Australiako Euskal Pilota Federazioak (AFBH) interneterako jauzia eman du bere webgune propioa zabalduz

Australiako Euskal Pilota Federazioak (AFBH) interneterako jauzia eman du bere webgune propioa zabalduz

2010/05/18

'Australian Federation of Basque Handball' delakoak (AFBH, Australiako Euskal Pilota Federazioa) tresna berria ezarri du bere barne bizitzaren eta oro har euskal pilotak Australian izan duen historia, bizi duen momentua eta erakarri nahi duen geroaren berri partekatzeko Australia bertako zaleekin, baina baita ere mundu osoan euren errealitate eta apustu edo pario horretan interesa izan dezaketen guztiekin. Federazioko presidente den Josetxo Larrazabalek EuskalKultura.com-i azaldu dionez, webgunea "egiazko biltoki bilakatu nahi dugu, bidea erraztuz munduko edozein lekutik geure berri segitu nahi dutenei, Euskal Herritik urrun bagaude ere geure pilotazaletasuna eta euskal kirolik nazioartekoena den pilotaren aldeko geure ahaleginaren partaide egin nahi baititugu gainerako lekuetako pilotazaleak oro".

Gehiago Irakurri…

Datorren astelehenean hasiko da aurtengo entrenamenduekin La Platako 'Athletic Club de Bilbao' Eskola

Datorren astelehenean hasiko da aurtengo entrenamenduekin La Platako 'Athletic Club de Bilbao' Eskola

2010/03/11

Martxoaren 15ean hasiko dira kirol ekitaldiak La Plata hiri argentinarreko Euzko Etxea Euskal Etxean. Futbolean, Athtletic-eko Eskolaren ekimena, euskal jatorriko gazteei ezezik La Platako gazte guztiei irekia da, eta futbolaz gain Hockey eta Pilota klaseak ere eskaintzen ditu. Futbolean, 6 urtetik gorako haurren entrenamenduak datorren astelehenean hasiko dira. Hockey klaseak, berriz, asteartean, 6 urtetik gorako neskei zuzenduta. Pilota paletako eskolak, berriz, lehenago, datorren larunbatean. Klaseetan neska-mutil guztiek har dezakete parte. Praktika guztiak euskal etxearen egoitzan izango dira, hiriko 58 eta 14 kaleetan.

Gehiago Irakurri…

Mariann Vaczi ikerle hungariarra Bilbon da Renon aurkeztuko duen Athletic-i buruzko tesia egiten

Mariann Vaczi ikerle hungariarra Bilbon da Renon aurkeztuko duen Athletic-i buruzko tesia egiten

2010/02/15

Mariann Vaczi antropologo hungariarra Bilbora iritsia da duela pare bat aste bertan urtebete pasexe egin eta Athletic futbol taldearen eta honen inguruko fenomenoari buruzko ikerlan bat egiteko, ondoren Nevada-Renoko Unibertsitateko Euskal Ikasketa Zentroan doktorego-tesia lortzearren aurkezteko. Vaczi-k entzuna zuen "soilik bertako jokalariekin jokatzen zuen futbol talde bat bazegoela eta filosofia honetan ehun urte zeramatzala kategoriatik jaitsi gabe" eta harrituta geratu zen. Gaia Renoko Unibertsitatean aurkeztuta, onartu egin zioten eta Hungariako unibertsitate baten bidez lortu zuen honi ekiteko beka.

Gehiago Irakurri…

Bolivarren amaitu da Dakar Argentina Txile Rallya, Beñat Errandonea saratarra finalisten artean 16.a

Bolivarren amaitu da Dakar Argentina Txile Rallya, Beñat Errandonea saratarra finalisten artean 16.a

2010/01/19

Joan den larunbatean amaitu zen Bolivar-en, Buenos Aires probintzia barnealdean, 2010 Dakar Argentina Txile Rallya, txirrindak, quads, autoak eta kamioiak partaide. Hasi eta berehala, euskal etxe batzuetatik galdera heldu ziren autoen artean agertzen zen ikurriña baten inguruan. Gauza da lasterketak izan duela partaide euskaldunik, esan nahi baita Beñat Errandonea Sarako lapurtarra, eta duintasunez amaitu duela saratarrak norgehiagoka, 16. postuan hain zuzen, 134 autok hasi eta 57k bakarrik --%42a-- bukatu zuten erronkan.

Gehiago Irakurri…

Denboraleak Madrilgo Beti Jai kantxaren eraikinaren zatiak erortzea ekarri du, birgaitzea eskakizun

Denboraleak Madrilgo Beti Jai kantxaren eraikinaren zatiak erortzea ekarri du, birgaitzea eskakizun

2010/01/14

Egunotan Europa eta mundu osoa astintzen ari den denboraleak kalteak eta eraikin aurrealdeko zati batzuen erortzea eragin dizkio Madrilgo Beti-Jai kantxa historikoaren eraikinari (1893), urteak baitira mantenumendurik gabe eta egoera gero eta txarragoan dagoela, orain arte erabaki ez diren birgaitzeko aginduen zain, adierazi dute eraikin bakar honen geroa segurtatu eta kirol eta kultura helburuetarako izan dadin borrokan ari diren plataformakoek, eskumenak dituzten administrazioei euren lankidetza eta ardurak hartzea eskatu eta eskertuz.

Gehiago Irakurri…


bisita