Xanta Sousa, brasildarra eta beltza, Euskal Herrian bizi da, herri-kirolari eta euskara-ikasle
Brasildarra da, Euskal Herrian bizi da eta herri kirolak lantzen ditu Maria do Amparo Sousa Santosek. Euskara ere poliki mintzo du eta, dioenez, ikasten du, "beste herrialde batean bizi bazara, bertako hizkuntza ikastea gauza zuzena delako". Salvador de Bahian jaio zen 1972ko abenduaren 10ean, baina egiari zor Lesakan biziizan da azkeneko 16 urteotan, amodioa errudun. Sorterria batere ahantzi gabe, bertakotu ere egin da Euskal Herrian. Euskadiko txapelduna ere bada txinga-proban. Zalantzarik gabe, brasildarra eta beltza izanik 'rara avis' da euskal herri-kirolen munduan.
Gauden krisialdi egoeraren gainetik, zenbait euskal ikasle bekadun dira Estatu Batuetan kirola medio
Gauden krisialdi egoreak aukerak murrizten baditu ere badira oraindik bideak aurrera egiteko eta han eta hemen ikasketak burutu eta etorkizunari begietara begiratzeko. Duela egun batzuk Idoia Alonso kazetariak lehio horietako bat aipatzen zigun Deia egunkarian, kirolen batean gailentzen diren ikasleek Estatu Batuetako unibertsitateetan bekadun ikasteko dauzkaten aukerak aipatuz. Kasu horietan daude, esaterako, Donostiako Tenis Klubeko Maider Martin, Texas-en; Asier Etxebarria futbolaria Ohio-n; Juan Tolosa igerilaria Floridan; Diego Ortega tenislari gasteiztarra Floridan; edota Borja Angoitia futbolari getxoztarra Connecticut-en.
Facebook eta Twitter-en, eta webgune ireki berrian topatu daiteke interneten Madrilgo Euskal Etxea Athletic-en peña
Talde bizkaitarrak Madrilen daukan peña edo lagunarterik handiena da, eta hain zuzen ere datorren ostiralean bertan egingo du hiriburu espainiarrean Bazkideen Urteroko Batzarra, eta ondoren senidetasun afaria. Baina Madrilgo Euskal Etxea Athletic-en Peñak zabaldu berria du webgune instituzionala eta bertatik, eta Facebook eta Twitter-eko kontuetatik segi daiteke aurrerantzean talde txurigorriaren eta Madrilgo bere jarraitzaileen berri, eskaintzen dituen beste zenbait tresna ere tartean.
Bihar abiatuko da La Platako Euzko Etxea-ko trinketea, ‘Aaron Sehter’ pilota txapelketaren I. zatia
Bihar ostirala hasiko da La Plata hirian larruzko pala modalitateko ‘Aaron Sehter’ pilota txapelketa. Buenos Aires probintziako Pilota Federazioak –FPPBA- eta Argentinako Pilota Federazioak -CAP- antolaturik, lehiaketak nazio osoko pilotari onenak bilduko ditu eta entrenatzeko aukera bikaina izango da Munduko Txapelketan aurkeztuko diren Argentinako selekzioko pilotarientzat. Arratsaldeko 4etan, La Platako Euzko Etxean hasiko den lehia hiru datatan burutuko da, horietako hurrena uztailaren 28a Venado Tuerton eta hondarrekoa abuztuaren 18a, berriro La Platan bertan.
Madrilgo eta Diaspora osoko athleticzaleek taldeari animoak emango dizkiote gaur Kopa finalean
Bucarest-en Europa League txapelketaren finala galtzeak ekarri zuen kolpe latza eta gero, Athletic-eko jokalariek aurten titulu bat eskuratzeko aukera berri bat izango dute gaur gauean Madrilen, Vicente Calderon zelaian. Horretarako Bartzelona ahaltsua mendean hartu beharko dute; balentria galanta, zalantzarik gabe, baina athleticzaleen gogo eta animoak izango dituzte akuilu. Milaka zaletu izango dira gaur Madrilen, guztien buru bertakoak; Espainiako hiriburuko athleticzaleak inoiz baino harroago egon ahalko dira, uholde zurigorriko parte. Diasporatik ere asko dira taldeari erronka honetan bultzada emateko goiz jaikitzeko edo gaupasa egiteko prest daudenak, bertaratuta zein munduko hainbat lekutatik irratia, telebista eta internet lagun.
Asteburuan egingo da Bakersfield-eko euskal festa, Euskal Herriko pilotari ordezkaritza eta guzti
Dena prest da Kaliforniako Bakersfield-en datorren asteburu honetan garatuko den bertako euskal piknik eta festa abiarazteko. Estatu Batuetan urtero maiatzean hasita egiten diren euskal jaien artean, sasoin-hasierako klasiko bat da Bakersfieldekoa. Ezin dira ukatu hemen euskal giroa eta euskal tradizio bertan errotuak. Euskal dantzen, berbenen, erakustaldien, kliken, mus partiden eta gainerakoen artean, zati garrantzitsua dira pilota eta pilotariak. Aurten, ohitura denez, Euskal Herritik propio etorritako pilotariak bertakoei juntatuko zaizkie.
Diasporatik ere animoak jasoko ditu Athletic-ek gaur gauean, Europa League txapelketaren finalean
Athletic-ek Europa League txapelketaren finala jokatuko du gaur gauean Atletico de Madrid talde espainiarraren aurka Bucaresten (Errumanian). Bertara joan diren ia 7.000 athleticzaleez eta Bizkaia osoaz gain, Diasporako euskaldunak ere izango dituzte atzean zurigorriek, taldearen lehen txapel europarra eskuratzeko ahaleginean animoak ematen. Euskal etxe askotan bilduko dira gur futbolzaleak: Sydneyn, Madrilen, Murtzian, Bartzelonan, Habanan, Caracasen.. Jarraian hitzordu horietako batzuen berri ematen dugu.
Buenos Aires Probintziako Pilota Federazioko Batzordeak La Platako Euzko Etxea-ko ordezkari bat izango
Joan den martxoaren 17an burututako Urteko Ohiko Biltzarrean, 2012-2014 eperako Batzordea hautatu zuen Buenos Aires probintziako Pilota Federazioak (FPPBA). Herri askotako instituzioetako kideek osatzen dute zuzendaritza talde berria, tartean La Platako Euzko Etxea euskal etxeko lehendakari Javier Cluak. “Federazioaren erronka 2012rako Paleta Argentinarra sendotzea da. Aldi berean, tradizio handirik ez duten beste modalitate batzuk sustatzeko asmoa ere badugu, hala nola esku pilota, xare eta larruzko paleta trinketean”, adierazi dute FPPBA Federazioko agintariek ohar batean.
Ehun urtetik gora darama pilotak bizi-bizi Tandil-en: Asquet-en kantxatik, 1895ean, gaurdaino
"oroitzapenen frontoia: desagertu diren antzinako kantxak" izenburupean, pilotari buruzko artikulu interesgarria zekarren atzokoan Tandil herriko Tandil Diario egunkariak, euskal pilotak Buenos Aires probintzia argentinarreko hiri horretan izan duen historia historia bilduz. Claudio Acevedok sinaturik, artikuluak hiriak izan dituen pilotalekuen historia egiten du, Asquet delako batek 1895ean eraiki zuen kantxatik abiatu eta gaur egungoetara iritsiz, aipatuz azken hauen artean Club Hipiko eta 'ferrocarril Sud'ekoa, Club Nahuel-ekoa, La Florida eta Banco Provincia-koa eta, bistan da, Euskal Etxeak bere baitan duena. Artikulua ekarri dugu hona.
Ataun futbol taldeak, Argentinako euskaldunen ondorengoek sortua, 'Vascogermana' izeneko liga irabazi du
Argentinan bada 'Euskal-alemaniar' (Vascogermana) izena duen futbol liga amateur garrantzitsu bat. Hogei bat taldek osatzen dute eta Ataun, Zurriola, Schalke edo Stromberg bezalako izenak dauzka. Aurten lehen mailako txapelduna Ataun taldea izan da, duela hamar urte liga sortu zuenetako bat. Llavallolgo Euskal Echea eskolako ikasle ohiek sortu zuten taldea eta izena aukeratzeko orduan Euskal Herriko mapa bat hartu eta Ataun begiz jo zuten. Diario Vasco egunkaritik jaso dugu berria.
