Kortajarena: "Euskadin, mehatxatuak demokratak gara, 13 urtez izan dut eskolta eta badakit zertaz ari naizen"
Elvira Kortajarena, Eusko Jaurlaritzak Buenos Airesen egoitza duen baina lan-esparrua Argentina, Uruguai, Paraguai eta Brasil daukan Ordezkaritzako buru denak segitzen du eremu horietako euskal etxeak eta udalak bisitatzen. Joan den astean, Paraná, Entre Rios probintzia argentinarreko hiriburua egokitu zaio, besteak beste, bidean Concepcion del Uruguay-en eta bertako Euskal Etxean ere ibili baita esaterako. paranárako bisitaren karietara, bertako Uno egunkariak elkarrizketatu du. Gai-sorta zabala erabili du, gerra zibileko bere familiaren erbesteratzetik, egungo krisi ekonomikora, PSE-PP gobernu-itunetik, euskal gatazka bat badagoenik ukatzera, hori guztia egun Ordezkaritzatik helburu duen Euskadiren sustapen ekonomiko eta turistikotik pasatuz.
Jaio zirela ehun bete direnean Debabarrenako sei pilotari gogora ekarri dituzte artikulu batean
Orain gauden 2010. urte honetan Guillermo Amuchastegui , 'El Monarca' eta 'El Milagro de la Pelota', puntista imitaezin ondarroarra jaio zeneko mendeurrena ospatzen ari da Bizkaian, bertako zenbait eragile publiko eta pribatuen eskutik. Karia horretara, eta Amuchasteguiren balio handiak aitortuz eta omenaldia ere sostengatuz, duela ehun urte jaiotako beste dozena erdi bat pilotariren gomuta ekarri nahi izan dute Miguel Angel Bilbaok eta Eusebio Gorritxategik artikulu batean, garai berean eta kantxa beretsuetan ibili ziren Debabarreneko sei puntistarena.
Iñaki Galdos: "Diasporan, maite ditugula eta lagundu nahi ditugula pentsatzen segi dezaten nahi genuke"
Boiseko Jaialdiri buruzko aurreko artikuluetan esan legez, jende asko da bertaratuko dela iragarri duena, eta horien artean makina bat dira bertara erakundeen izenean Euskal Herritik hurreratuko dena. Horien arteko bat izango da Gipuzkoako Foru Aldundiko diputatu nagusiorde eta Kanpo Harremanetarako diputatu den Iñaki Galdos. Honako elkarrizketa atzo eman zuen argitara Noticias de Gipuzkoa egunkariak.
Eugenie Acordagoitia, egun euskara hiztun bakana Jordan Valleyn: «Ahaztu egin behar zaigu euskara, ahaztu!»
"Sasoi batean 'Home of basques' zen Jordan Valley, euskaldunen etxe, euskaldun mordoxka zegoen-eta bertan. Haien aztarnak agerikoak dira kaleen izenetan, edo garai bateko eraikinetan. Eta hantxe da bisitaria euskaraz hartzen duen Eugenie Acordagoitia." Honela hasten du Berria egunkarian Miel Anjel Elustondok, Estatu Batuetan, Idaho eta Oregoneko mugan, basamortuek inguratuta dagoen Jordan Valley herrian bertako emakume batekin, Eugenie Acordagoitiarekin izan duen solasaldia. Hona lekukotasuna, Elustondok Berrian argitara eman bezala.
Eusko Jaurlaritzako eta Bizkaiko Foru Aldundiko bi ordezkaritza paralelo bilduko dira uztailean Boiseko Jaialdin
Bi euskal ordezkaritza paralelo, Eusko Jaurlaritzarena bata, Lopez lehendakaria eta Blanca Urgell Kultura sailburua buru, eta Bizkaiko Foru Aldundiarena bestea, Jose Luis Bilbao diputatu nagusia eta Josune Ariztondo Kultura diputatua buru, batuko dira uda honetan Idahoko Boisen, Estatu Batuetan, hiriburu horretan Jaialdi izeneko euskal festa erraldoia --munduan Euskal Herritik kanpo egiten den handiena-- ospatuko den egunetan, uztaileko hondarreko astean. Zenbait iturriren arabera, lehia eta pultso modura uler daiteke bi ordezkaritzen presentzia leku eta egun beretsuetan Boisen. Orain artean beti jeltzaleen esku egon den euskal ordezkaritza ez omen du soilik Patxi Lopezen gobernuaren eskuetan utzi nahi izan EAJ-PNVk aurtengo Jaialdin. Gaiak prentsarainoko jauzia egin du Bilboko Correo egunkariak gaurkoan argitara eman duen artikulu bat medio.
Mexikon kokatua den Mikel Alonso euskal sukaldaria Peru-n izan da, zenbait tailer eta eskola emanez
Hamabi bat urte dira Mikel Alonso sukaldari irundarra Mexikon bizi dela eta bertatik garatzen du sukaldaritza arloko bere jarduna. Irundarra, Bruno Oteizarekin batera, hiriburu mexikarreko 'Biko' jatetxeko nagusia da, esan nahi baita Pellegrinok urtero egiten duen munduko 50 jatetxe onenen zerrendan dagoen jatetxeko nagusia, eta horrek erreferentzia bilakatzen du bere lekua eta jarduna, Mexikon ezezik, Latinoamerika eta oro har nazioarteko testuinguru osoan. Duela egun batzuk osteratxo bat egin zuen sukaldarirza kontuetan gero eta izen handiagoa hartzen ari den Perura, zenbait tailer eta eskola emanez. Limako Peru21 egunkariak bertan elkarrizketatu zuen, guk euskaratu eta laburbildurik hona ekarri dugun solasaldian.
Eder Montero bilbotarra, New Yorkeko 'Txikito' jatetxekoa: «Euskal kultura sustatu nahi dugu Sagar Handian»
Euskal sukaldaritzaren enbaxadari da, zentzu askotan munduaren hiriburua kontsideratua den New Yorken. New York Times egunkarian patata tortilla on bat egiteko sekretua erakutsi zuen. Eta pintxoak eskaintzen dizkie Txikito jatetxera azaltzen zaizkion bezeroei, amerikarrak gehienbat, tartean baita bertako edo bisitan den euskaldun bat edo beste ere. Zalantzarik gabe euskal jatetxea da berea, eta Euskal Herrian arrain, jaki, pintxo eta platerak dastatu dituztenak ez dira batere kexu ateratzen bertako menua dastatu ondoren. Hamaika urte daramatza Etxeorratzen Hirian Eder Montero bilbotarrak, eta gustura bizi da, lankide emazte Alexandra Raij argentinar jatorriko estatubatuarra duela.
Ainhoa Barrenetxea, familia aldetik lotura peruar zuzeneko bilbotar bat, 'euskal enbaxadari' Harvard-en
Bilbon jaioa da, 1995etik Bilbon Peruko kontsula den Carmen Ezkurraren alaba, bi belaualdi lehenago, Gregorio Ezcurra birraitona Perura joan eta Liman lehenengo Euskal Etxea sortu zuen nafar haren ondorengo zuzena. Ainhoa Basterretxea Ezkurra 21 urteko euskal neska gazte bat da, Iruñean aldi berean Zuzenbidea eta Ekonomia ingelesez ikasten ari dena eta Harvard Unibertsitate estatubatuar prestigiotsuak duela gutxi saritu duen pertsona, Nazio Batuen funtzionamendua emulatzen zuen nazioarteko lehiaketa batean, diplomazia eta bestelako gaitasunak agerian utziz alegia.
Oldarra kantu talde biarriztarra etorri berria da Saudi Arabiatik: bertako erregearen aitzinean kantatu du
Oldarra korala, gizonezko euskal kantu talde biarriztarra, etorri berria da Saudi Arabiatik. Gauza da erresumaren hiriburuan Janadriyah deitu azoka egiten dutela urtero eta aurtengoan Frantziari dedikatu diote. Hori dela eta, Frantziako enbaxadak Oldarrari luzatu dio gonbita, besteak beste bertako erregearen aitzinean kantatzeko, Oldarrak ekitaldiaren estreinaldian kantatu baitu. Argazkia eta datuak Oldarrako kideek berek eman dizkiote Herria astekariari eta honek apirileko bere lehenengo zenbakiak eman ditu argitara. Hona Oldarrakoen laburpena Saudiar erresumatik itzuli eta gero.
Goretti Dañobeitia lezamarra Venezuelan eta Costa Rican haur eta nerabeen esplotazioaren aurka lanean
Pare bat egun dira Nikaraguatik itzulia dela, baso eta ibai handiz inguratua. Bere lanak eremu tropikaletatik ibiltzen ohituta dauka. Goretti Dañobeitiak Lanaren Nazioarteko Erakundearentzat egiten du lan, Haurren Lana Desagertarazteko Nazioarteko Planean eta bertako Komunikazio arduraduna da Ertamerika, Haiti, Panama eta Dominikar Errepublikarako. Azken hiru urteotan gobernu, sindikatu eta ugazaben elkarte artean dabil "haur eta nerabeen esplotazioa desagertarazi nahiean, bizitzeko aukera bat emateko" helburuaz lanean. Bere koartel nagusia Costa Rican ezarria du 31 urteko bizkaitar honek, 2006tik. Bertan lagunak egitea erraza ez dela, eta gizarte harremanen zama familiari dagokiola dio.
