'Antzinako' elkartea 1900 aurreko Nafarroako bataio eta ezkontza-agirien datuak ari da sarera biltzen
Antzinako elkarteak lan eskerga egiten du Euskal Herriko genealogia artxibo eta informazio iturrien zabalkuntza arloan. Genealogiaren munduan hasi nahi dutenei laguntzeko asmoz, elkarteak webgunean eta Facebook orrian Diasporako zein Euskal Herriko erabilgarri izan daitezkeen atariak aipatzen ditu; Araba, Bizkai eta Gipuzkoako kasuan, esaterako, elizbarrutietako artxiboak, online kontsulta baitaitezke. Nafarroaren kasuan, aldiz, agirien informazioa ez dago sareratuta, baina Antzinakoko kideak datu horiek digitalizatzen ari dira eta dagoeneko webgunean kontsulta daitezke horietako asko, 1599-1899 bitartekoak.
XIX. mendeko Mexikoko euskal immigranteen zerrenda jarri dute sarean eskuragarri
VascosMexico posta zerrendako lagunei esker jakin dugu sarean eskuragarri dela Mexikora emigratu zuten euskaldunen zerrenda interesgarri hau. Josu Ruiz de Gordejuela historialariak bildutako datuak dira, "Guía de Vascos y Navarros en México. Siglo XIX" izenburupean. Instituto Nacional de Estudios Históricos de las Revoluciones de México delakoak sarean jarri ditu eta bertan XIX. mendean herrialde honetan lekutu ziren 4.700 immigrante euskaldunen datuak agertzen dira.
Gervasio di Cesare: "Txileko zazpi presidentek Lazarraga familia daukate arbasoen artean"
Gervasio di Cesare genealogista euskal-argentinarra Valparaisoko Eusko Etxean izan da, genealogiari buruzko hitzaldi bat emateko. Hitzorduak jakinmin handia piztu zuen, izan ere, Txilen oihartzun zabala izan baitu Di Cesareren azken ikerketak. Lazarraga abizenaren genealogia ikertuz Txileko zazpi presidente Arabako jauntxo familia honen ondorengoak direla erakutsi du Di Cesarek.
Zure familiaren historia ikertu nahi duzu? Familysearch.org webguneak pausoz pauso azaltzen dizu zer egin
Antzinako euskal genealogisten elkartearen bidez izan dugu FamilySearch.org webguneak eskaintzen duen gida honen berri. Familiaren historia ikertzen eta biltzen hasi nahi dutenek bertan topatuko dute ahalegin horretan lagunduko dien informazioa, era errazean eta pausoz pauso azalduta.
Arbasoen baserriaren bila ari zara? Topa ezazu Antzinako elkartearen argazki datubasean
Antzinako genealogia elkarte euskaldunak Euskal Herriko baserri eta oinetxeen argazki datu base zabal bat jarri du sarean, Panoramio izeneko webgunearen bitartez. Ekimen honi esker Diasporako euskaldun askok bertan aurkitu ahalko dute euren arbasoen jatorrizko etxea, eta hainbat kasutan, baita etxeari eta leinuari buruzko informazio historikoa ere. Egunero aberasten ari den baliabidea da. Saia zaitez zeurea topatzen edo zeureaz daukazun informazioa konpartitzen.
Arbasoen bila ari zara? Orain internet bidez erraz aurki ditzakezu, etxetik eta doan, Dokuklik bilatzaileari esker
Sarri heltzen dira EuskalKultura.com-era irakurleen mezuak arbasoei buruzko informazioa eskatuz. Tamalez, denbora eta baliabide ezagatik gure erredakzio taldeak ezin ditu horrelako eskariak erantzun, baina bai azpimarratu, orain, teknologia berriei esker, bilaketa genealogiko hori munduko edozein lekutik norberak egin dezakeela. Dokuklik bilatzaileak Euskal Autonomi Erkidegoko 500 artxiboko fondoak biltzen ditu eta sarean jartzen ditu eskuragarri. Orotara 6 milioi dokumentu dira, XIII. mendetik XX. mendera bitartekoak. Bertan arbasoen berri bilatu nahi? Jarraian azaltzen dugu nola.
Maria Teresa Vallet argentinarrak Ansalas-Aguirrebalzateguitarren zuhaitz genealogikoa sareratu du
Argentina bezala immigrazioak erakiak diren herrialdeetan oso diziplina preziatua da genealogia, eta famili ikerketa da hain zuzen Maria Teresa Vallet euskal-argentinarrak landu eta orain sarean ezarri berria duen emaitza. Vallet-ek birraiton-amonen aurreko eta ondorengoen datuak bildu eta sareratu ditu. Juan Braulio de Ansalas etxalartarrak eta Maria Francisca Aguirrebalzategui oñatiarrak sei seme-alaba izan zituzten Argentinan, hogeita bat biloba, eta hogeita hamabostetik gora birbiloba. Lan hori guztia eta familiari buruzko zenbait jakingarri topa ditzake irakurleak blogera sartutakoan.
Goizueta familiaren 4. Topaketa astebete barru egingo da Argentinan La Platako Villa Elisan
Datorren asteko larunbatean, azaroaren 26ean, hitzordua dute La Platako Villa Elisan Juan Angel Goizueta y Gracia Mariezcurrena bikotearen ondorengoek, Goizuetarren 4. Famili Topaketan. Nafar senar-emazte hauek 1840ean Argentinara heldu ziren Pedro eta Manuel anaien birraiton-amonak izan ziren. Euren ondorengoek azken urteetan familiaren zuhaitz genealogikoa osatu dute, Argentinara eta Estatu Batuetara zabaltzen diren adarrak harremanetan jarriz. Villa Elisan aurrez aurre topatuko dira eta munduko beste Goizueta deituradun guztiei bertara edo Facebook-eko famili-orrira biltzeko gonbitea egiten diete.
Arrakastatsuak izan dira Idahoko genealogi tailerrak; saioak beste euskal etxeetara zabaltzeko aukera dago
Bizkaiko Elizaren Histori Artxiboa pozik agertu da hilaren 13tik 15era Idahora egindako bidaiarekin eta bertan egin ziren genealogi lantegien emaitzarekin. Homedalen eta Boisen egin ziren bi lantegietan BEHAko teknikariek artxibategi honen webgunean informazioa nola bilatu eta agirien kopia elektronikoak nola eskatu azaldu zuten. "Lantegietan tarteka 'oh!' eta 'ah!' entzuten genuen, jendeak datu berriak aurkitu ahala", azaldu dio EuskalKultura.com-i BEHAko Cristina Castillok. Orain, artxibategiko arduradunak lantegi hauek beste euskal etxe baztuetara eramateko prest agertu dira, Diasporako euskaldunek webgune honek eskaintzen dituen aukera guztiak baliatzen ikas dezaten.
Zure bizkaitar arbasoen berri lortu nahi? Zatoz BEHAk Boisen, Idahon, egingo duen Genealogia Tailerrera
Bizkaiko Elizaren Histori Artxiboa (BEHA-AHEB) Boisen izango da hilaren 12tik 16ra, Cenarrusa Foundation elkarteak gonbidatuta, genealogia tailer bat emateko. Tailer honetara biltzen diren lagunei BEHAko datubasean euren arbaso bizkaitarrei buruzko informazioa (bataio-agiriak, ezkontz-agiriak...) aurkitzen lagunduko diete. Baina Artxibategiaren asmoa zabalagoa da, Anabella Barroso zuzendariak EuskalKultura.com-i azaldu dionez: "Artxiboa nola erabili azaldu nahi dugu; izan ere, guretzako oinarrizkoa da erabiltzaileek artxiboari etekina ateratzea". Horretarako, Diasporako euskal etxe eta elkarteetan lantegi praktikoak emateko prest agertzen da.
