Hemen zaude: Hasiera Albisteak euskararen nazioarteko eguna
'Topaketa' datorren astelehenean Buenos Airesko Euskaltzaleak-en; elkarteak ENE Saria 2013 jasoko du

'Topaketa' datorren astelehenean Buenos Airesko Euskaltzaleak-en; elkarteak ENE Saria 2013 jasoko du

Joan den abenduaren 3an adierazi zioten Buenos Airesko Euskaltzaleak euskaltegiari Eusko Ikaskuntzak 2013ko ENE Saria eman ziola. Orduan adierazitakoa, datorren astelehenean gauzatuko da, Buenos Airesko elkarteak sariaren adierazgarri den estatuatxoa jasoko baitu Kinku Zinkunegi 'Euskara Munduan'eko koordinatzailaren eskutik. Ekitaldiaren aurretik hitzaldia eskainiko du Zinkunegik euskara eta Diasporaz, eta ondoren 2014ko bere lehenengo 'topaketa' egingo du Euskaltzaleak-ek, bazkide, ikasle eta lagunak partaide.

Gehiago Irakurri…

Musika, poesia, ikusentzunezkoak eta argazki eta kartel erakusketak Berlingo Euskal Etxearen urte amaierako ekitaldietan

Musika, poesia, ikusentzunezkoak eta argazki eta kartel erakusketak Berlingo Euskal Etxearen urte amaierako ekitaldietan

Berlingo Euskal Etxeko arduradunak pozik agertu dira aurtengo urte amaieran egin berri dituzten ekitaldiek izan duten harrera onarekin eta esker ona agertu diete bertara bildu ziren sortzaileei zein partehartzaileei. Euskararen Nazioarteko Egunaren harira ekitaldi egitarau oparoa eskaini du elkarteak, azaroaren 27an hasi eta iragan abenduaren 15a bitartean. Poesiak tarte zabala izan du jardueretan, Iñigo Astiz eta Mikel Ayerberren "Hondakindegia" ikuskizunarekin eta Angel Erro poetaren "Miss pelotaris favoritoak" irakurraldiarekin, esaterako. Datorren urterako, udaberritik aurrera, ekimen ugari prestatzen hasia dela iragarri du elkarteak.

Gehiago Irakurri…

Buenos Airesko Euskaltzaleak-entzat izan da 2013ko Euskararen Nazioarteko Eguneko (ENE) Saria

Buenos Airesko Euskaltzaleak-entzat izan da 2013ko Euskararen Nazioarteko Eguneko (ENE) Saria

Buenos Airesen 1944tik hona euskara bere ekinbideen ardatz izanik lanean gogor ari den Euskaltzaleak elkartea (euskaltegi eta gau-eskolatzat ere definitzen du bere burua) izan da Euskararen Nazioarteko Eguna kari Eusko Ikaskuntzak urtero banatzen duen ENE Sariaren 2013ko jasotzailea. Aurtengo saridunaren izena atzo adierazi zuen erakunde deitzaileak eta oso ondo jasoa izan da Diasporako mundu euskaltzalean. Bistan denez, Euskaltzaleak elkartean ere bozkarioz hartu dute eta datorren larunbatean bestela ere ENE ospatzeko antolatuta zeukaten topaketa eta festan ospatuko dute, ezpainetan satisfazio irribarre handiagoz hain segur. Zorionak, Euskaltzaleak!

Gehiago Irakurri… [ 6 erantzun ]

Azkue Fundazioak Mintzatu 2.0 aurkeztu du: sakelekoetara egokituta eta baliabide gehiagorekin

Azkue Fundazioak Mintzatu 2.0 aurkeztu du: sakelekoetara egokituta eta baliabide gehiagorekin

Euskararen Eguna ospatzeko Azkue Fundazioak Mintzatu webgunean hobetu egin du eta erabiltzaileen esku jarri ditu hainbat baliabide berri. Horrez gain webgunea smartohione sakelekoetan erabiltzeko aplikazioak ere garatu ditu. Hori guztia ospatzeko lehiaketa jarri du abian Mintzatuk: 100 eurotako diru txekea FNAC-en gastatzeko jasoko dute gaurtik hasi eta leku ezberdinetan kopuru gehien etiketatu, eta beraz, alkatetza gehien lortzen duen erabiltzaileak; eta lekuetan ezkutatuta dauden garaikur gehien lortzen duen erabiltzaileak. Zorte on eta gozatu!

Gehiago Irakurri…

Euskararen Eguneko festa mundiala da: Euskal Herria, Berlin, Leipzig, Reno, Salto, Valentzia, Bartzelona, Santiago...

Euskararen Eguneko festa mundiala da: Euskal Herria, Berlin, Leipzig, Reno, Salto, Valentzia, Bartzelona, Santiago...

Gaur, abenduaren 3, Euskararen Nazioarteko Eguna ospatzen dute euskaldunek, bai Euskal Herrian eta baita munduan zehar ere, Diasporako komunitateari esker. "Mundiala" leloa aukeratu du aurten Eusko Jaurlaritzak egun honetarako, eta zinez, gure hizkuntza aparta eta zoragarria izateaz gain, nazioartekoa ere badela erakusten ari dira egunotan euskaldunak, hainbat jai eta ekitaldi antolatuz. Jarraian, munduan zehar osteratxoa euskal etxeetako eta Euskal Herriko ekimenei segika: Berlin, Leipzig, Santiago, Salto, Reno, Valencia, Bartzelona, Madril...

Gehiago Irakurri…

Euskararen Nazioarteko Egunean segitzen dute bateko eta besteko ospakizunek Argentinako EEetan

Euskararen Nazioarteko Egunean segitzen dute bateko eta besteko ospakizunek Argentinako EEetan

‘Euskal Herrian euskaraz’ dio abesti tradizionalak baina esaldia, agian, zahartuta geratu da. Izan ere, XXI. mendean euskarak Europako Euskal Herriko mugak gainditu ditu eta munduko hainbat bazterretan entzun daiteke, Asiatik Amerikaraino. Fenomenoa, ordea, ez da egun batetik besterako gauza izan eta jende askoren engaiamendua behar izan du. Gaur egun, Politika Linguistikoaren arloan egindako programei, teknologia berriei eta, batez ere, hiztun, ikasle eta irakasleei esker, euskaraz ahal dugu hitz eta jolas egin Pirineo magaleko Euskal Herrian eta baita bertatik kanpo ere. Argentinan, herrialde aitzindaria irakasleen trebakuntza programetan, urtero ospatzen dute euskal etxeek Euskararen Eguna, programa oparoekin.

Gehiago Irakurri…

Bat egin #mundiala kanpainarekin eta lagundu munduko euskaldunen mapa bat sortzen Euskararen Egunerako!

Bat egin #mundiala kanpainarekin eta lagundu munduko euskaldunen mapa bat sortzen Euskararen Egunerako!

Abian da #mundiala egitasmoa eta traola hori munduan alderik alde dabil Twitter euskaraz erabiltzen duten milaka euskaltzaleri esker. Azaroaren 22an aurkeztu zenetik 15.000 bat lagunek bat egin dute kanpainarekin eta www.mundiala.net webguneko mapan ikus daiteke nondik bidali diren eta non jaso dituzten haien mezuak: Euskal Herria, Argentina, Uruguai, AEB... Zurea ere behar dugu, Diaspora euskalduna --eta #mundiala-- dela erakusteko!

Gehiago Irakurri…

Euskararen Eguneko ospakizunak abian Diasporan zehar, abenduaren 3rako giroa berotzen

Euskararen Eguneko ospakizunak abian Diasporan zehar, abenduaren 3rako giroa berotzen

Euskararen Nazioarteko Eguna ospatuko da abenduaren 3an eta, urtero legez, Diasporan zehar euskaldunek ekitaldi eta jarduera ugari antolatu dituzte. Zenbait gaur bertan hasiko dira euskal hizkuntzaren festa ospatzen, horien artean Madrilgo euskal etxea, esaterako. Abenduaren 3an Etxepare Euskal Institutuak Bruselan egingo du ekitaldi nagusia, "Fenêtre Ouverte" jaialdiaren baitan, eta munduko hainbat unibertsitatetako Euskara irakurletzetan ere egingo dira jarduera bereziak. Euskal etxeen bitartez munduko beste hainbat hirietara ere helduko da euskararen aldeko deia: Sydney, Valentzia, Boise, Cordoba, Necochea, Berlin...

Gehiago Irakurri…

Datorren asteburuan hasiko dituzte Argentinako euskal etxeek 2013ko Euskararen Eguneko ospakizunak

Datorren asteburuan hasiko dituzte Argentinako euskal etxeek 2013ko Euskararen Eguneko ospakizunak

Urteko azken hilabetean sartzeko egun batzuk baino ez dira geratzen eta munduan barreiatutako euskal etxe ugarik San Frantzisko Xabier egunarekin batera Euskal Herrian eta Diaspora osoan abenduaren 3an ospatzen den Euskararen Nazioarteko Eguneko (ENE) programak helarazi dizkigute. Argentinan, uda atarian, ikasturte amaierako festekin bat eginik ospatu ohi dute erakunde batzuetan. Hainbat euskal etxetan datoreen asteburura aurreratu dituzte ekitaldiak. Hona ospakizun euskal-argentinar horietako batzuk.

Gehiago Irakurri…

Badator 2013ko Settimana Basca! Zinea, musika eta literatura Erromako Euskal Jaietan

Badator 2013ko Settimana Basca! Zinea, musika eta literatura Erromako Euskal Jaietan

Erromako Asociazione Culturale Euskara elkarteak eta UPTER unibertsitateko Euskara Sailak antolatuta, abenduaren 3tik 7ra Settimana Basca jaialdiaren edizio berri bat egingo da Italiako hiriburuan. Euskararen Nazioarteko Egunean abiatuko dira ekitaldiak, "Gartxot" animazio filmaren emanaldiarekin. Ondoko egunetan, Erromako abendu hotza berotuko duten beste zenbait ekitaldi egingo dira: Harkaitz Canoren "Filo d'Erba" liburuaren aurkezpena, "Gazta zati bat" dokumentalaren emanaldia, pintxo dastaketak eta Joseba Tapia eta Luis Fernandezen kontzertua.

Gehiago Irakurri…


bisita